Domekara arte eman daiteke botoa argazki lehiaketan
16 argazki aukeratu ditu udalak, eta udaleko web orrialdean ikusgai jarri dituzte, herritarrek euren gogokoena bozkatzeko.
Morgako Udalak herriko bazterrak irudikatzen dituzten argazki onenen aukeraketa egin du, eta orain, herritarrek dute argazki irabazleak zeintzuk izango diren hautatzeko aukera.
16 argazki aukeratu ditu udalak, eta udaleko web orrialdean ikusgai jarri dituzte, herritarrek euren gogokoena bozkatzeko. Parte hartzeko, udaleko interneteko atarian, albisteen tokian dago lotura. Bertan, herritarrek datuak sartu eta argazki gogokoena aukeratzeko aukera izango dute, izen abizenak eta nortasun agiria emanez.
Botoak emateko azken eguna da domeka. Sariei dogokienez, bi egongo dira herritarrek gogokoen dituzten argazkientzako. Argazkirik onenaren egileak txakoli sorta eta herriko taberna batean bi pertsonentzako hamaiketakoa jasoko ditu, eta bigarren egiten duenak, berriz, herriko taberna batean bi pertsonentzako hamaiketakoa lortuko du.
