Udaberriko paseo gidatua Euskal Herria museoan
Barikuan egingo dute jarduera eta aldez aurretik izena eman behar da
Ibilbide botaniko gidatua eskainiko du bariku honetan Euskal Herria Museoak. Bizkaikoa sareko museoak Alegria Jauregiaren kanpoaldean duen lorategira bisita gidatua egiteko aukera izango dute herritarrek. Era berean, Europako Parkean dagoen lorategia ere bisitatutko dute.
Iñaki Gonzalo biologoak gidatuta, barikuan (ekainaren 19an) egingo dute ekimena. 18:00etan hasiko da, eta parte hartu gura duenak aldez aurretik izena eman beharko du: 94-625-54-51 edo euskalherriamuseoa@bizkaia.eus.
Jarduerak berreskuratzen. Jauregiaren ondoan dagoen lorategi zaharrera bisita egingo dute lehenengo. Gero, Europa parkean dagoen lorategia ikusiko dute bisitariek. Gonzaloren eskutik, bertako landare eta zuhaitzen berri izango dute, beste hainbat bitxikeri ezagutzeaz gain.
COVID-19 birusak sortutako alarma egoerak behartuta egindako etenaren ostean, bere jarduna berreskuratzen hasi dira museo eta kulturguneek. Horrela, barikuan egingo dute Udaberriko paseo gidatua izeneko ekimena.
