Sarean egiteko eskulan tailerra antolatu dute Foruan
Zapatuan izango da familian egiteko tailerra, 18:00etan.
Umeek Foruko J.M. Torrealdai Kultur Etxera joan ezin dutenez, kultur etxea foruarren etxeetara sartuko da zapatuan, Jitsi plataformaren bitartez; 18:00etan jarri dute ordua
Familian egiteko tailerra antolatu dute, eta beste modurik ez dagoenez, sarean egingo dute. Hiru eta zazpi urte bitarteko umeek guraso batekin parte hartu ahalko dute tailerrean. Adin horretatik gorakoek, berriz, bakarrik ere parte hartzeko aukera daukate.
Tailerrean erabiliko dituzten materialen berri edukitzeko edo argibide gehiago jasotzeko 688 86 68 89 telefono zenbakira deitzeko edo WhatssAppez mezua bidaltzeko eskatu dute, eguena [apirilak 30] baino lehen.
