Gernika-Lumoko Udaleko langileek ere greba orokorrarekin bat egin dute
Asteleheneroko pentsiodunen elkarretaratzera batu dira gaur eguerdian Gernika-Lumoko Udaleko hainbat langile, eta greba orokorragaz bat egiten dutela adierazi dute. Hurrengo egunetarako hamaika ekintza prestatu dituzte eskualdean.
Gernika-Lumoko Udaleko hainbat langile kalera atera dira urtarrilaren 30eko greba orokorragaz bat egiten dutela adierazteko. Asteleheneroko pentsiodunen elkarretaratzera batu dira gaur eguerdian, eta euren atxikimendua adierazi dute.
Duela bi urte hasi ziren mobilizatzen pentsiodunak, eta gobernuan dagoena dagoela ere, pentsioak defendatzen jarraitzeko asmoa dutela esan dute, beste behin. “Elkarretaratze eta mobilizazio etengabeen ondoren, egiten jarraitzea baino ez da geratzen. 0,25a birrindu egin genuen, eta oraingoan ere, gure eskubideen alde greba orokorra defendatuko dugu”.
Pentsiodunek euren eskubideak defendatu dituzten arren, greba orokorra deitzeko udalerrian jarritako pankartak kendu dituztela salatu dute. “Hiru astez jarraian kendu dituzte greba orokorra deitzeko jarritako pankartak”, adierazi dute, eta hori salatzeko pankarta ere atera dute.
Busturian ere greba batzordea lanean dabil. Zapatuan, Axpen batu ziren herritarrak argazki kolektiboa egin eta grebarako deia zabaltzeko.
Manifestazioa, Gernikan. Hurrengo egunetarako egitarau zabala prestatu dute herrietako greba batzordeek. Besteren artean, manifestazio zaratatsuak, autokarabanak edota apainketa herrikoiak egingo dituzte.
Greba egunean, goizean, Bilboko manifestaziora joateko deia egin dute, baina, arratsaldean, Gernika-Lumon egingo dute eskualde mailako mobilizazioa. 18:00etan udaletxean jarri dute hitzordua.
Egitaraua:
Bermeo
Etzi.
– 19:00. Manifestazio zaratasua, Goiko Plazatik.
busturia
Eguena, greba eguna.
– 09:00. Auto karabana Bilbora, Altamira auzoko plazatik.
Ea
Eguena, greba eguna.
– 07:00. Gernika-Lumoko Astra ingurarako deia egin dute, greba girotzeko.
– 10:45. Auto karabana Gernika-Lumotik Bilbora.
– 12:00. Manifestazioa Bilbon.
– 19:00. Elkarretaratzea Eako plazan.
Gernika-Lumo.
Bihar.
– 12:00. Auto karabana Astratik.
Etzi.
– 19:00. Kazerolada, Merkurion.
Eguena, greba eguna.
– 07:00. Herri apainketa, Astran.
– 08:30. Pikete herrikoia, Merkurion.
– 10:15. Auto karabana Bilbora, Astratik.
– 12:00. Masnifestazioa Bilbon.
– 15:00. Bazkaria (etxetik ekarrita), Astran.
– 16:00. Mahai ingurua, Astran: XXI. mendeko sozialismoa eraikitzen: alternatibal gertutasunetik eraiki. Dokumental emanaldia, pankarta eta kartel prestaketak…
– 18:00. Manifestazioa udaletxetik.
