Gorozikako V.Mendi Martxan izena emateko epea zabalik dago
Urriaren 10a [barikua] da izena emateko azken eguna. Hala ere, egunean bertan ere izango dute interesatuek horretarako aukera.
Ibiltariak iazko Gorozika Mendi Martxan. Argazkia: Gorosti Kultur Elkartea Urriaren 13an [domeka] egingo duten Gorozikako V. Mendi Martxan parte hartu nahi dutenek zabalik dute dagoeneko izena emateko epea. Azken eguna, urriaren 10a [barikua] izango dute interesatuek, eta Gorosti Kultur Elkarteko kideek kontu korronte zenbaki bat ahalbidetu dute horretarako: Laboral Kutxa, ES96-3035-0423-34-4. Izena egunean bertan ere eman ahalko dute.
Muxikako Gorozika auzoko inguruneak zeharkatzen dituen martxan parte hartzeko izen-abizenak zehaztu beharko dituzte transferentzia egiterakoan, eta adinaren arabera prezio ezberdina ordaindu beharko dute. Nagusiek 10 euro, eta 14 urte baino gutxiago duten neska-mutilek 6 euro ordaindu beharko dituzte. Bestalde, egunean bertan irteera puntura hurbildua ere eman daiteke izena. Kasu horretan baina, nagusientzako prezioa 12 eurokoa da, baina 14 urtetik beherakoentzat 6 eurotan mantenduko dute.
Bi ibilbide aukeratu ahalko dituzte ibiltariek. Martxa luzeak 20 kilometro ditu, eta 08:30ean ekingo diote partaideek. Martxa laburrak, ordea, 10 kilometro ditu, eta 10:30ean hasiko dira lanean.
