Bilatu
Sartu
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Ajangiz
      • Arratzu
      • Bermeo
      • Busturia
      • Ea
      • Elantxobe
      • Ereño
      • Errigoiti
      • Forua
      • Gautegiz Arteaga
      • Gernika-Lumo
      • Ibarrangelu
      • Kortezubi
      • Mendata
      • Morga
      • Mundaka
      • Murueta
      • Muxika
      • Nabarniz
      • Sukarrieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion Agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Gaztemunduri Ateak Ireki
    • HITZAren 20. urteurrena
    • Naturan barrena
    • Euskaldunak Australian
    • Xixili
    • Adimen A.
  • Nor gara
  • Publizitatea
Sartu
Kultura

Arte eszenikoen topagunearen bizitasunak daukan kolorea

III. Kalerik Kale jaialdiak girotu du Mundaka abuztuari agur esateko. Kale antzerki jaialdiaren nortasuna azpimarratuz, balorazio positiboa egin dute antolatzaileek. Eguraldiak asko lagundu ez arren, jendetza batu da udalerriko txokoak alaituz.

Kalerik Kale Argentinako Marionetas Anima teatroaren ‘Sueños de arrabal’ ikuskizuna, Bihotz Sakratu egoitzan.
Aintzina Monasterio Maguregi
Mundaka
2019/09/03

Ilusioa, poza, tristura, esperantza, etsipena, askatasuna, irrika… emozioak adierazteko modu asko daude. Berbakaz edo berba barik. Gorputzaren jarrerek eta mugimenduek, begiradek zein aurpegierek sentipenak helarazteko balio dute. Horixe erakutsi du beste behin Mundakan egin duten kale antzerki jaialdiak. III. Kalerik Kalek emozioz bete du kostaldeko herria. Jendetza batu da abuztuko azken egunean, eta udako hilabeteetan hain bizirik egon ohi den herriak are biziago agurtu du abuztua.

Talako zuhaitzak apaintzen hasi zuten zapatua. Ingurua dotore janzteaz gain, beste modu batera jaialdiaren parte izateko aukera eskaini zieten herritarrei. “Bakoitzaren barruko hori ateratzeko eta artista moduan ere kalerik kaleren parte izateko modu bat dela” zehaztu du Izaskun Agirresarobek. Jaialdia sentizea aitatu du. Zuhaitzak apaintzen iaz baino jende gehiago animatu zela dio, eta eguerditik gauera arte herria “bete-beteta egon” zela.

Abuztuari eta hein batean udari amaiera emateko modu berezia da mundakarrentzat eta udatiarrentzat. “Inguruko jendea gerturatzeko eguna ere bada. Helburu hori bete genuen”.

Euri tanten beldurrik barik ikuskizun guztiak eskaini ahal izan zituzten. Publiko zabalarentzako eskaintza ekarri du beste behin kale antzerki jaialdiak. Sortzaileak ere Euskal Herrikoak zein kanpotik etorritakoak egon dira beste urte batez. Izan ere, herri txikia izan arren, ahal duten neurrian eskaintza oparoa lortzen saiatzen dira. Lan gogorra egin dute aurtengo jardunaldia prestatzeko, baina emaitza ikusita gustura daude. Lortu dutenagaz pozik. Gainera, bi estreinaldi hartu ditu Mundakak. Argentinako Marionetas Anima teatrok han estreinatuta zeukan Sueños de Arrabal ikuskizuna, baina ez Euskal Herrian, eta Kataluniako Balusca taldearen Rar-en Euskal Herriko estreinaldia ere Mundakan izan da. Antolatzaieentzat ohorea izan da: “Ez da erreza izaten horiek lortzea. Jaialdiari garrantzia ematen diete halakoek. Normalean artistek jaialdi indartsuagoak edo sendotuagoak daudenak bilatzen dituzte estreinaldiak emateko eta beraz guretzat ohorea da”.

Askotariko agertokiak

Egoitzetara ere proposamen berriak eroan dituzte aurten. Kalea egoitzetara eroateko helburuagaz, iaz hasi ziren zaharren egoitzetan emanaldiak eskaintzen. Bigarren urtez jarraian, emaitza polita eman die ekimenak. “Batzuk egoitzatik irteten dira, baina beste batzuk ez daudelako oso ondo ez dira askorik irteten handik. Gure asmoa bilgune momentu bat sortzea da; herriko jendea bertara joatea. Polita da topagune hori ikustea. Eurentzat bizitasuna da. Jende berria ikustea, umeak bertan egotea…” azaldu du Agirresarobek. Jaialdia aberatsa da eta horixe da aberastasun hori edukitzeko ezinbesteko osagaietako bat.

Kalerik Kale jaialdiak hiru ildo nagusi dituela gogora ekarri du. Bata antzerkia bera kalean egitea da. Denontzako antzerkia izatea. “Ezer ordaindu barik antzerkiaren gozatzeko aukera denek izatea”.

Mundakako kale antzerki jaialdia

Sarini Circo taldearen ‘Txoriak Txori’ ikuskizunean jendetza batu zen frontoian.

Formakuntza ere bada euren ardatzetako bat. Jakintza zabaltzea eta jendeari barneratzeko aukera eskaintzea. Aurten, esaterako, aire akrobazia tailerra antolatu zuten abuztuaren 28 eta 29rako, baina azkenean ez zen atera. Halere, urtean zehar egiteko aukera aztertzen ari dira.

Gizarteratzea ere bada euren zeregina eta hori lantzen dute herriko bi egoitzetakoekin. Alabaina, aurrera begira beste pauso bat eman gura dute. Eskolara salto egiteko erronka daukate, antzerki mundua ezagutara emateko. Hain zuzen, sentsibilizazio jardunaldiren bat egitea darabilte buruan: “Antzezlan edo antzerki talde batearen atzean dagoena ezagutara emateko eskolara joan nahi dugu, beste modu batera baloratu dezaten. Ikuskizun baten atzean dagoen guztia ikustea nahi dugu. Artista moduan lan egitea zer den, publiko moduan zelan egon behar den…”. Sorreratik hiru zutabe nagusi horietan oinarrituta eraiki zuten eta urtez urte hobetzen, aberasten jarraitzea da antolatzaileen asmoa. Borobiltzea.

Eskualdeko zirko eskola

Gautegiz Arteagako Txitatoki zirko eskolakoek ere erakustaldia eman zuten arratsaldean. Bertan lantzen dutenaren aletxoa eroan zuten Mundakara. “Lehenengoz etorri dira; ezagunak dira, eta euren proposamena izan zen erakustaldia egitea, eta guk pozik hartu ditugu, zelan ez”, dio Agirresarobek. Izan ere, inguruko artistei euren lana zabaltzeko aukera ematea ere bada Kalerik Kalek jartzen duen hazia. Eskualdeko zirku eskola bakarra ikustarazteko modua izan da. “Txikitatik halako gauzak egin ahal direla erakusten dute. Egia da zirkoa kanpoko gauza bategaz erlazionatzen dela. Euskal Herrian nahiz eta zirko talde asko egon ez da hain ezaguna edo ez dago hain baloratuta. Zirkoa gure kulturaren parte izan daitekeela hausnartzeko ere balio izan du”.

Bestalde, bolondresen lana ezinbestekoa dutela nabarmendu dute antolatzaileek, eta datorren urterako bolondres moduan parte hartzeko gonbidapea luzatu dute: “Eurek barik ezin da egin Kalerik Kale. Atzetik lan handia dago. Laguntzaileei ere eskerrak eman behar dizkiegu; Mundakako hainbat dendak eta tabernak diruz lagundu gaituzte, baita egoitzek ere. Gainera, hau aurrera eramateko herriaren gozamena eta nahia ere horretan ikusten da”.

Busturialdeko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Agenda

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Busturialdeko azken berrien buletina!

Buletina barikuetan bidaltzen da, eta Busturialdeko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-627 10 85 / 607 29 22 23
  • busturialdea@hitza.eus / gernika@hitza.eus
  • Elbira Iturri kalea, z/g. 48300, Gernika-Lumo
  • Publizitatea
  • 94-618 72 99 / 647 35 56 54
  • busturialdea@hitza.eus / bermeo@hitza.eus
  • Atalde 17, atzealdea. 48370, Bermeo
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.