Mestikabasoko skate pista egokitu du Gernika-Lumoko Udalak
Hobekuntzak gauzatuta, Basque Pool Series izeneko Euskal Herriko Skate Txapelketa hartzeko prest dago Mestikabasoko skate gunea. Uztailaren 6an jokatuko dute txapelketa.
Gernika-Lumoko Udalak Mestikabasoko skate pista egokitu du, uztailaren 6an bertan ospatuko den Basque Pool Series Euskal Herriko Skate Txapelketarako prest egon dadin.
Pistaren lurzorua margotzea izan da udalak burututako egokitze lana, “pista baldintza onetan egoteko”. Hala, instalazioa 2015.urtean eraberritu zutela gogoratu dute udaleko arduradunek. Orduko hartan, zola eta baranda berria jarri zituzten segurtasuna bermatu asmoz.
Gurpil gaineko hiri kirolak egiteko homologatuta dago Mestikabasoko skate pista, eta maila gutzietako eta estilo guztietako irristatzeak egiteko aukera eskaintzen du.
Txapelketa uztailaren 6an. Hamasei urtez azpiko Euskal Herriko irristatzaile onenak gerturatuko dira udalerrira uztailaren 6an 17:00etatik aurrera udalerrira, eta bertan egongo dira baita ere Open mailako onenak.
