I. Benjamin Futbito Txapelketa jokatuko dute, domekan
10:00etan hasiko da txapelketa. Hamar taldek parte hartuko dute bi multzotan banatuta.
Busturiko Itxasadar futbol zelaian I. Benjamin Futbito Txapelketa lehiatuko dute, domekan [ekainak 2]. Urdaibai FTk Busturiko Udalaren laguntzagaz antolatu duen txapelketa honetan hamar taldek parte hartuko dute, bi multzotan banatuta. 10:00etan hasiko dute txapelketa.
Multzo batean Urdaibai, Seber B, Galdakao, Mungia eta Durangoko lehiatuko dira. Beste multzoa, berriz, Gernika, Allende A, Allende B, Seber A eta Amorebieta taldeek osatuko dute. Goizean multzo bakoitzeko talde guztiek denek denen kontra jokatuko dute. Multzo bakoitzean lehenengo bi postuetan geratzen diren taldeak sailkatuko dira finalerdietara. 17:30ean hasiko dira finalaurrekoak lehiatzen, eta finalaren ostean banatuko dituzte sariak.
