Karakorum, 15 urtetako lanaren argazki bilduma
Baltistan Fundazioak hamabost urtetan Hushe Ibarrean (Pakistan) egindako lana ezagutarazten duen Karakorum izeneko argazki erakusketa dago Astran.
Mikel Alonsoren begiradatik ikus daitezke fundazioak hamabost urtetan burutu dituen lanak. Besteren artean, 1.000 haur eskolaratzea lortu du, horien erdia emakumezkoak izanda. Bailaran negozio txikiak zabaltzeko lanean ari dira gainera.
Pakistango unibertsitatera joateko diru laguntzak eman dizkie 120 ikasle baino gehiagori, eta aurten lehen sendagile emakumea lizentziatu da.
