Galatasaray talde turkiarra izango da Gernika KESB-en aurkaria Eurokopako hurrengo kanporaketan
Multzoen fasean bigarren postua eskuratuta sailkatu eta gero atzo [abenduak 13] egin zuen FIBA-k final hamaseirenetarako kanporaketetarako zozketa. 2014an Euroliga irabazi zuen Galatasaray talde turkiarra edukiko du aurkari Mario Lopezen taldeak, egokitu ahal zitzaien talde zailenetakoa. Kanporaketa bi partidutara jokatuko da: joanekoa urtarrilaren 3an Malosten eta itzulerakoa urtarrilaren 10ean Turkian.
FIBA-k egindako zerrendaren arabera 24. postuan dago Lointek, beraz, zerrenda horretako bederatzigarrenaren aurka jokatzea egokitu zaio. Turkiarrak B multzoko lehen sailkatuak izan dira, bost garaipen eta porrot bakar batekin. 68 puntuko bataz bestekoa daukate partiduko.
HONEKIN LOTUTA:
Gyntare Mazyonite baloiagaz, eguazteneko partiduan. Argazkia: Gernika KESB
Galatasaray talde turkiarra. Argazkia: FIBA
