San Andres jaiak ospatuko dituzte Ibarrangelun eta Bermeon

Mikel Santiso

2018/11/28

Busturialdea San Andres jaietan murgilduko da asteburuan. Ibarrangelun eta Bermeon ospatuko dituzte jaiak. Bi herrietan barikuan San Andres egunarekin hasi eta domekara arte luzatuko da jaia. Bietan Euskaraldia egitasmoa baliatuko dute euskararen aldarria egiteko. Ibarrangelun urtero egiten duten lez Euskara eguna ospatuo dute domekan, Lorea taldearen laguntzagaz. Ibarrangeluko jaien protagonistak txapelketak izango dira; zapatuan tortilla txapelketa egingo dute lehenengo eta briska eta mus txapelketaren finalak gero.

Leihan taldeak Bermeoko San Andres auzoa girotuko du. Argazkia: Leihan/Facebook

Bermeon auzoaren izenari omen eginez ospatuko dute jaia. Barikuko mus txapelketan izena emateko 30 euro ordaindu beharko da bikoteko txapelketa hasi baino lehen; 500 euro jasoko dute irabazleek. Zapatuko herri bazkarian parte hartzeko ere izena eman behar da Jose Ramon harategian 15 euroren truke. Herri bazkarira doazenen artean postre txapelketa ere egingo dute. Domekan, ostera, tortilla txapelketa egingo dute eta iazko txorimalo lehiaketan bezala irabazlearentzat asteburu bateko bi lagunentzako egonaldia izango da saria. Animali ikuskizunak. Bermeoko San Andres auzoan berritasun berezia egongo da aurten. Lehenengo txakurren erakusketa egongo da eta ondoren hegaztien erakustaldia eskainiko dute. Adin guztietako ikusleentzako erakargarria izango den ikuskizuna izango da. EGITARAUA:

San Andres jaiak.

Ibarrangelu. Barikua: – 12:00. Meza nagusia. – Ostean. Trikitixa kalejira, Malenegaz, Elexaldetik. – 20:00. Beti Galdu abesbatza Elexaldetik. Zapatua: – 12:00. Tortilla txapelketa. – 12:00. Ume jokoak. – 13:30. Tortillen aurkezpena – 17:00. Briska txapelketa arina, kultur etxean. – 19:00. Mus txapelketaren finalak. – Ondoren. sari banaketa eta trikitixa EinGo taldeagaz. Domeka: – 11:00. Meza nagusia. – 11:45. Euskararen eguneko mezuaren irakurketa eta Ibarrangelura etorritako ume berriei opari banaketa. – Ostean. Euskal dantzak, Lorea taldearen eskutik. Bermeo. Barikua: – Meza Almikako elizan. – 11:00. Txupinazoa. – 20:00. Mus txapelketa. Zapatua: – 12:00. Umeen jolasak. – 13:00. Herri kirolak. – 15:00. Herri bazkaria eta postre txapelketa. Arratsaldean Txoborro magoaren ikuskizuna ere egongo da. – 21:00. Erromeria Leihan taldeagaz. Domeka: – 09:00. Mendi martxa, San Andresko aparkalekutik hasita. – 12:00. Umeentzako jolasak. – 13:00. Txakurren erakusketa eta gero hegaztien erakustaldia. – 16:00. Tortilla txapelketa.

San Andres jaiak ospatuko dituzte Ibarrangelun eta Bermeon

Bizkaia

Portugaleteko Gurdibide, munduko hiri mahastien taldean

Deslokalizazioaren eta desmemoriaren aurkako literatura

Gogora-k Urduñako espetxe frankistan hil ziren beste bost presoren gorpuzkiak identifikatu ditu

Aburtoren legatuari ez ezik, EH Bilduk agintean egiten duenari erreparatu dio EAJk Bilboko osoko bilkuran

Bizkaiko gasolindegien mahaian euskaraz negoziatzeari uko egitea egotzi die ELAk patronalari eta CCOOri

Santurtzin hildakoaren kontra taser pistola erabili zuten zoruan immobilizatuta zegoela

Zabalik da Durangoko Azokarako proposamenak bidaltzeko epea

Gizon bat ito da Mundakako Laidatxu hondartzan

Ondarroako alturako arrantzak lau aste daramatza geldirik, gasolioaren prezioa dela eta

Gizon bat atxilotu dute Getxon, motozerra batekin pertsona batzuei jazartzeagatik

Sarrera bateratua eskainiko dute Bilboko Guggenheimek eta Arte Ederren Museoak, lankidetza zabalago bati begirako lehen urrats gisa