Bizitza oso bat artegintzari estuki lotua
Bitor Arizmendi Aranberria mutrikuarra eguenean hil zen, 97 urterekin. 1921eko abuztuaren 19an jaio zen eta bizitza osoan artearekin eta kulturarekin lotura zuzena izan zuen.Musikagintzan trebatu zen umetatik. Herriko musika bandan ibili zen eta koruan...
Bitor Arizmendi Aranberria mutrikuarra eguenean hil zen, 97 urterekin. 1921eko abuztuaren 19an jaio zen eta bizitza osoan artearekin eta kulturarekin lotura zuzena izan zuen.
Musikagintzan trebatu zen umetatik. Herriko musika bandan ibili zen eta koruan ere bai. 7 urterekin hasi zen abesbatzan kantari, eta 80 urtetik gora egin zituen bertan.
Mutrikuko Arte Eskolako irakaslea eta bultzatzailea ere izan zen. Anizeto Urangarekin eta Xiri Andonegirekin batera 1987-1988 ikasturtean ekin zioten arte eskolari. 30 urtetik gora egin zituen pintura irakasle.
Bere ekarpen artistikoari dagokionez, 200 koadrotik gora margotu zituen, eta horietako asko herrian bertan badaude ere, Euskal Herriko beste hainbat txokotan ere zabalduta daude. Hainbat pintura lehiaketan ere sariak irabazi zituen, eta erakusketa askotan parte hartu zuen.
Bere bizitza kultur jardunari loturik egon bazen ere, hainbat eginbidetan ere aritu zen. Guraize fabrikan lan egin zuen erretiratu arte. Margolaria izateaz gain, kirolari profesionala ere izan zen. Beste hainbat mutrikuar bezala puntista profesionala izan zen. Atzelari modura Vigon debutatu zuen 1940ean, eta garaian garaiko frontoirik ezagunenetan jokatzeko aukera eduki zuen; Valentzian, Palman, Madrilen, Zaragozan eta Bartzelonan, besteak beste. Atzerrira pausoa emateko zegoenean, bere kirol ibilbidea eten behar izan zuen, lesio bat tarteko .
Musikagintzan trebatu zen umetatik. Herriko musika bandan ibili zen eta koruan ere bai. 7 urterekin hasi zen abesbatzan kantari, eta 80 urtetik gora egin zituen bertan.
Mutrikuko Arte Eskolako irakaslea eta bultzatzailea ere izan zen. Anizeto Urangarekin eta Xiri Andonegirekin batera 1987-1988 ikasturtean ekin zioten arte eskolari. 30 urtetik gora egin zituen pintura irakasle.
Bere ekarpen artistikoari dagokionez, 200 koadrotik gora margotu zituen, eta horietako asko herrian bertan badaude ere, Euskal Herriko beste hainbat txokotan ere zabalduta daude. Hainbat pintura lehiaketan ere sariak irabazi zituen, eta erakusketa askotan parte hartu zuen.
Bere bizitza kultur jardunari loturik egon bazen ere, hainbat eginbidetan ere aritu zen. Guraize fabrikan lan egin zuen erretiratu arte. Margolaria izateaz gain, kirolari profesionala ere izan zen. Beste hainbat mutrikuar bezala puntista profesionala izan zen. Atzelari modura Vigon debutatu zuen 1940ean, eta garaian garaiko frontoirik ezagunenetan jokatzeko aukera eduki zuen; Valentzian, Palman, Madrilen, Zaragozan eta Bartzelonan, besteak beste. Atzerrira pausoa emateko zegoenean, bere kirol ibilbidea eten behar izan zuen, lesio bat tarteko .
