Arte ekimenek leku egoki bat behar dutela dio Artekubuk

Artekubu egitasmoa aurkeztu dute Ondarroan arteagaz edo arte eszenikoekin zerikusia duten hainbat herritarrek. 30 bat lagun batu ziren aurkezpenean, eta herrian garatzen diren proiektu eta arte ekimenek leku egoki bat (antzoki, auditorio, erabilpen ani...

Artekubu egitasmoa aurkeztu dute Ondarroan arteagaz edo arte eszenikoekin zerikusia duten hainbat herritarrek. 30 bat lagun batu ziren aurkezpenean, eta herrian garatzen diren proiektu eta arte ekimenek leku egoki bat (antzoki, auditorio, erabilpen anitzeko espazioa…) izatea eskatzen dute.

Erabilpen anitzeko espazio bat herrian beharrezkoa dela nabarmendu dute, eta horretarako sinadura bilketa hasi dute. Ondarroako Udala HAPO lantzen ari dela gogorarazi dute, eta Artekubuk plan orokor horretan bere lekua izatea eskatzen dute, hain zuzen. «Zuk ere HAPOn behar hau kontuan hartu behar dela uste baduzu, sinatu idatzi hau».

Uda guztian egongo dira sinadurak batzen Klik Klak, Musika Eskola eta Kaia 1 dantza eskolan. Irailaren bukaeran, berriz, beste agerraldi bat egingo dute Artekubukoek. «Sinadura bilketa zelan doan aztertuko dugu, eta, aldi berean, proposamen berriak jaso nahi ditugu, eman beharreko hurrengo pausoa zein den guztion artean adosteko. Herritarren iritzi eta iradokizunak jaso nahi ditugu. Nahi duenak artekubu@gmail.com helbide elektronikora idatzi edota 657 77 04 57 telefonora dei dezake.