Mugertza II.ak ez du Urrezko Aizkolarien finalerako txartelik lortu

Ugaitz Mugertza aizkolari mutrikuarra 21. Urrezko Banakako Aizkolari Txapelketa-Eusko Label Sariaren finala jokatzeko aukerarik gabe geratu da, hirugarren finalerdia galdu ondoren. Zapatuan Galdakaon jokatu zen azken finalerdian finalerako azken txarte...

Ugaitz Mugertza aizkolari mutrikuarra 21. Urrezko Banakako Aizkolari Txapelketa-Eusko Label Sariaren finala jokatzeko aukerarik gabe geratu da, hirugarren finalerdia galdu ondoren. Zapatuan Galdakaon jokatu zen azken finalerdian finalerako azken txartela zegoen jokoan, eta txartel hori Aitzol Atutxa dimoztarrak lortu du. Atutxak, beraz, Iker Vicenterekin eta Mikel Larrañagarekin batera jokatu du finala.

Atutxa II.ak 22 minutu eta 55 segundo behar izan zituen lanak amaitzeko, eta Mugertza II.ak, aldiz, 26 minutu eta 12 segundotan amaitu zituen lanak. Biek ala biek hamar enbor moztu behar izan zituzten, eta lan denetan atzetik ibili zen mutrikuarra.