Bermeo izango da aurtengo Euskal Herriko Itzuliaren bigarren etaparen helmuga eta hirugarren etaparen irteera

Olaia Zabalondo

2018/03/05

Izena aldatuta dator aurtengoa Euskal Herriko Itzulia; Itzulia Basque Country izena jartzea erabaki dute. Aurkezpenean azaldu dutenez, nazioartean sustatzeko egin dute aldaketa.

Euskal Herriko Itzulia iaz, Bermeotik. Txirrindulariak Solluberako bidea hartzen

Aurten, apirilaren 2tik 7ra ospatuko da proba, eta sei etapa lehiatuko dituzte; horietako bat banakako erlojupekoa izango da. Ibilbideak, guztira, 805,9 kilometro eta 23 mendate edukiko ditu: 1. mailako lau, 2. mailako zazpi eta 3. mailako hamabi. Bermeo, gainera, Itzulia Basque Countryren protagonistetako bat izango da aurton. Izan ere, bigarren etaparen helmuga eta hirugarren etaparen irteera izango dela jakitera eman dute. Apirilaren 3an, bigarren etapan, txirrindulariak Zarautzen hasiko dute lehia, eta Bermeon amaituko dute. 152,7 kilometroko etapa izango da, eta 13:33tan abiatuko da Zarautzetik. Bermeon, berriz, 17:19 eta 17:42 bitartean amaitzea aurreikusten da. Bigarren etapak lau mendate eta bi sprint edukiko ditu.

Natxitua 3. mailakoa 61,3 Km-an
Sprinta Kortezubin 78,4 Km-an
Almika-Sollube 1. mailakoa 100,3 Km-an
Jata 3. mailakoa 135,6 Km-an
Sprinta Bakion 141 Km-an
San Pelayo 2. mailakoa 146,4 Km-an

Apirilaren 4an abiatuko dira, berriz, txirrindulariak Bermeotik. Etaparik luzeena izango da, 184,8 kilometrokoa, eta 12:35tan aterako da Bermeotik. Uribarri Gaubean amaituko da 17:16 eta 17:44 bitartean; hiru mendate eta bi sprint izango ditu.

Errigoiti 3. mailakoa 19,1 Km-an
Aretxabalgane 3. mailakoa 34,7 Km-an
La Barrerilla 2. mailakoa 91,4 Km-an
Sprinta Anuncitan 114,8 Km-an
Sprinta Anuncitan 152,8 Km-an