Erloju analogikoa autobus geltokian
Gernika-Lumoko Udalak erloju analogikoa ipini du autobus geltoki intermodalean. Candido Valverde lantegian egin dute, eta iluntze partean, argitu egingo da, LED teknologiari esker. Erlojua jartzeko, bost metroko zutabe bat jarri dute; duela urte batzuk...

Gernika-Lumoko Udalak erloju analogikoa ipini du autobus geltoki intermodalean. Candido Valverde lantegian egin dute, eta iluntze partean, argitu egingo da, LED teknologiari esker. Erlojua jartzeko, bost metroko zutabe bat jarri dute; duela urte batzuk kale-argi bat izandako zutabe bat da, berreskuratu eta egokitu egin dutena. Lan horiek egiteko, 4.100 euroko aurrekontua erabili du udalak.