Bilatu
Sartu
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Ajangiz
      • Arratzu
      • Bermeo
      • Busturia
      • Ea
      • Elantxobe
      • Ereño
      • Errigoiti
      • Forua
      • Gautegiz Arteaga
      • Gernika-Lumo
      • Ibarrangelu
      • Kortezubi
      • Mendata
      • Morga
      • Mundaka
      • Murueta
      • Muxika
      • Nabarniz
      • Sukarrieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion Agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Gaztemunduri Ateak Ireki
    • HITZAren 20. urteurrena
    • Naturan barrena
    • Euskaldunak Australian
    • Xixili
    • Adimen A.
  • Nor gara
  • Publizitatea
Sartu
Kirola

Pilotari onenak, txapelketa berean

Izaro Mendieta
Gernika-Lumo
2017/07/07
Ezina ekinaz egina. Hala dio esaera zaharrak, eta hala egin dute Gernikan. «Asko kostata», baina lortu dute. Grand Slam txapelketa handia hartuko du Gernika-Lumok. Zestazaleek bihar dute lehenengo hitzordua Jai Alai frontoian. GERNIKA JAI ALAI 2 Beaskoetxea, Lopez, Egiguren, Erkiaga, Irastorza, Aldazabal, Hormaetxea, Lekerika, Etcheto, Enbil, Olharan, Barandika, Inza, Olha, Zulaika eta Ekhi.  Florida (AEB) eta Mexikoko frontoietatik Gernika-Lumora. Pilotari handi eta ezagunen izenak dira, eta horiek dira bihartik abuztuaren 12ra bitartean, astebururo Gernika-Lumoko Jai Alai frontoia betetzeaz arduratuko direnak. Grand Slam txapelketak, besteak beste, azkenaldian Euskal Herrian asko ikusi gabeak ekarriko ditu kantxara: hala nola, Erkiaga, Irastorza eta Lopez. Erkiaga ispastertarraren fitxaketa nabarmendu du, esaterako, Gernika Jai Alaik. «Bizkaitarrak ezin izan du azken bi urteetan Miamitik Euskal Herrira jokatzera etorri, baina munduko aurrelari onenetakoa dena fitxatu dugu». Irastorzak ere aurten txapelketa handiak jokatuko dituela iragarri du. Azkenik, Lopez zumaiarra Mexikotik iritsiko da bertoko partidak jokatzera. DSC00153Kanporaketa sistema. Aipatu txapelketa Jai Alai World Tour-erako puntuagarria izango da, eta zortzi bikoteren arteko lehia  ekarriko du Gernika-Lumoko frontoira. Kanporaketa sistema oinarri hartuta lehiatuko dira; alegia, irabazten duenak aurrera egingo du, eta galtzen duena, berriz, txapelketatik kanpo geratuko da. Antolatzaileek jakitera eman dutenez, Gernika Jai Alai enpresatik lau bikotek jokatuko dute, eta Jai Alive-etik, berriz, beste lauk. Hain zuzen, honakoak izango dira osatuko dituzten bikoteak: Gernika Jai Alai enpresatik, Hormaetxea-Aldazabal, Erkiaga-Lekerika, Beaskoetxea-Irastorza eta Barandika-Ekhi; Jai Alivetik, Olharan-Lopez, Egiguren-Etcheto, Zulaika-Enbil eta Olha-Inza. Etxeko pilotarien maila ona azpimarratu nahi izan du Gernika Jai Alaik. Munduko txapelduna eta binakako txapelduna da, adibidez, Diego Beaskoetxea gernikarra. AEBetan eta Euskal Herrian emaitza bikainak lortu ostean, etxeko txapela eskuratzeko borrokatuko da. Beaskoetxeagaz batera, bi urtetan gorako joera izan duten pilotariak ere badira Gernikan; Unai Lekerikabeaskoa eta Xabi Barandika, kasuan kasu. Duela urte bi debutatu zuten pilotari gazte bi horiek, eta geroztik, joko maila handia hartu dute, zesta puntaren gorenengo mailan kokatuz. Most Wins titulua irabazi berri du, esaterako, Lekerikak Dania Jai Alain, eta Mexikoko txapelketan hirugarren egin du. Zesta puntako izar berria izan litekeela uste du Gernika Jai Alaik. Barandika ere, aurrerapausoak ematen ari da Danian; azken denboraldian, hirugarren aurrelaririk onena izan da, eta Mexikoko txapelketan ere hirugarren postua eskuratu du. Halaber, alkarregaz bikote legez jokatuta, hirugarren sailkatu dira Mexikoko Fernando Diez Barroso txapelketan. Aldazabal berriatuarra ere txapeldun handia dela erakustera etorriko da Mexikotik, bertan azpitxapeldun geratu ostean. Hormaetxea beharbada, «zaleen artean estimatuena» dela uste du Gernika Jai Alaik; behintzat, «ikusgarria, errematatzailea eta dotorea» da bermeotarra. Biharko hitzordua. Zapatua. 21:00ak. Ordu horrek markatuko du Grand Slam txapelketaren hasiera. Etxean etxekoek. Xabier Barandika eta Unai Lekerikabeaskoa Lekerika gernikarrek zabalduko dute txapelketa handia zapatuan, Ispasterko Aritz Erkiagagaz eta Ekhi Martinez gasteiztarragaz batera. Elkarren aurka, nor baino nor gehiago ariko dira gernikar biak: Lekerikak Erkiagaz osatuko du bikotea, eta Barandikak, berriz, Ekhigaz. Txapelketatik kanpo ere, izango da zestagaz gozatzeko aukera, horren aurretik lagunarteko partida jokatuko baitute Aimar-Garita eta Beaskoetxea IV-Amigorena bikoteek. Kirolerako aukera baino gehiago eskaini dezake frontoiak; musikagaz gozatzeko beta, esaterako. Hala izaten da, behintzat, Gernika-Lumoko Jai Alai frontoian. Eta bihar ere, ez du hutsik egingo musika giroak. Horretan zeresan handia edukiko dute Lomoken Hoboken eta Twist! taldeek; horien emanaldiek girotuko baitute partiduen aurreko eta osteko giroa zapatuan. Gernika Jai Alai enpresa lanean hasi zenetik, kirola jaialdi ere bihurtu da: hala, zesta punta oinarri, giro apartaz gozatzeko ere bertaratzen dira herritar asko eta asko zesta punta jaialdietara, Jai Alai frontoia txiki utziz. Enpresak berak azaldu duenez, «lehengo zaleak bueltatu dira eta zesta punta gertutik ezagutzen ez zuten gazteak frontoira joaten hasi dira». Halaber, zesta eskolako umeen parte hartzea ere areagotu egin dela nabarmendu dute. Biharko, beraz, lehenengo hitzordua izango da, baina herritarrek uztailaren 15ean, 21ean eta 29an eta abuztuaren 5ean eta 12an ere izango dute zestagaz eta horren inguruan sortzen den giroagaz gozatzeko aukera. Txapelketaren lehenengo hiru asteburuetan final laurdenak lehiatuko dituzte eta ondorengo bietan finalaurrekoak. Abuztuaren 12an izango da, azkenik, final handia.

Busturialdeko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Agenda

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Busturialdeko azken berrien buletina!

Buletina barikuetan bidaltzen da, eta Busturialdeko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-627 10 85 / 607 29 22 23
  • busturialdea@hitza.eus / gernika@hitza.eus
  • Elbira Iturri kalea, z/g. 48300, Gernika-Lumo
  • Publizitatea
  • 94-618 72 99 / 647 35 56 54
  • busturialdea@hitza.eus / bermeo@hitza.eus
  • Atalde 17, atzealdea. 48370, Bermeo
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.