Emakumeak kalera ateratzen ari dira Emakumearen Nazioarteko Egunean

Busturialdeko Hitza

Ajangiz,Arratzu,Bermeo,Busturia,Ea,Elantxobe,Ereño,Errigoiti,Forua,Gautegiz Arteaga,Gernika-Lumo,Ibarrangelu,Kortezubi,Mendata,Morga,Mundaka,Murueta,Muxika,Nabarniz

2017/03/08

Martxoak 8 da gaur, Emakumearen Nazioarteko Eguna. Batzuek ospakizunak egiten dituzte, beste batzuek, ordea, aldarrikapenak egiteko erabiltzen dute. Bata zein bestea egiteko, emakumeak kalera ateratzen ari dira gaurkoan.

Bermeoko hainbat emakume kalejiran

Bermeon, esaterako, Erroxape Emakumeen elkarteak antolatuta, hildako bazkideen aldeko ohiko mezaren ostean, trikitilariekin batera, kalejiran ari dira orain dozenaka emakume. Santa Eufemia elizatik porturako bidea hartu dute, eta, gero, Lamerara joango dira. Ondoren ehundik gora emakumek eman dute izena elkarrekin bazkaltzeko. Eguna, hala ere, hasi baino ez da egin. Gaurko eta datozen egunetarako ekitaldi ugari antolatu dira eskualdean.