Nabarnizeko zaldi proben lehen saioa zapatuan lehiatuko dute
Asteburuan XLVII. Kinttopeko Zaldi Proba Txapelketa jokatuko dute.
Astelehenean eta martitzenean, berriz, XLVII Zaldi Proba Txapelketa lehiatuko dute. Hiru probalari izango dira saio bakoitzean.
Gamiz-Fikako Construcciones Torrontegiko ordezkariaren, Atxuriko Landaluzeren eta Laukizeko Unai Aresti Txotxi–ren arteko demagaz hasiko da lehia zapatuan. 21:00etan hasiko da proba.
Domekan, 18:00etatik aurrera, Bermeoko Irati Erauzkinek eta Guriezoko Fermin Santamariak lehiatuko dute txapelketa. Halaber, Aulestiko Ibaratz elkarteko ordezkariak ere parte hartuko du, lehiaketaz kanpo.
Asteleheneko eta martitzeneko saioak 21:00etan hasiko dira. Zaldi Proba Txapelketaren lehen egunean, Nabarniz Jatetxeko eta Mungiako Goieta Tabernako ordezkarien, eta Jose Luis Idoeta aulestiarraren demaz gozatuko dute bertaratzen direnek.
Martitzenean hiru probalari hauek ariko dira zein baino zein gehiago: Mañuko Erauzkin, Koba aulestiarra, Mungiako Goieta tabernako ordezkaria.
SARIAK:
XLVII. Kinttopeko Zaldi Proba Txapelketa:
- 750 euro, manta eta txapela
- 650 euro
- 575 euro
- 525 euro
- 500 euro
- 475 euro
- 800 euro, manta eta garaikurra
- 700 euro
- 600 euro
- 550 euro
- 500 euro
- 450 euro
