50 kazola egon dira Euskal Jaiaren baitako marmita txapelketan
Euskal giroa izan da nagusi asteburuan Mundakako kaleetan. Urtero uda sasoi amaieran egin modura, Euskal Jaia ospatu dute mundakarrek. Barikuan hasi eta domekara bitartean, kirola, gastronomia eta musika uztartu dituzte.Goizean goiz hasi ziren zapatuan...
Euskal giroa izan da nagusi asteburuan Mundakako kaleetan. Urtero uda sasoi amaieran egin modura, Euskal Jaia ospatu dute mundakarrek. Barikuan hasi eta domekara bitartean, kirola, gastronomia eta musika uztartu dituzte.
Goizean goiz hasi ziren zapatuan mundakar asko marmitak prestatzen. Kalean batzuk, txokoetan beste batzuk, gazte zein nagusi ugari animatu ziren marmita txapelketan parte hartzera. Ordu batetan herriko plazara joan ziren parte hartzaile guztiak, bertan aurkeztu behar zituzten-eta goizean prestatutako marmitak.
Ilara luzea egon zen plazan, kazolak aurkezterako orduan. Hain zuzen ere, 50 kazola aurkeztu zituzten aurtengo marmita txapelketara.
Egun guztian, gainera, eguraldiak lagunduta, giro izugarria egon zen herrian. Txistu soinua ere lagun izan dute asteburu osoan; hainbat izan dira txistulariek egindako kalejirak.
Pilota eta musika
Frontoia ere Euskal Jaiaren agertokia izan da. Bariku arratsaldean, pala partiduak jokatu zituzten, eta, zapatuan, berriz, pilota partiduak. Dantzan egiteko aukera ere eduki zuten mundakarrek zapatu gauean, Akiakuleren erromeriagaz.
Euskal Jaia amaitzeko, domekan, meza ostean, Mundakako Abesbatza, trikitilariak eta txistulariak elkarregaz ibili ziren herriko kaleak girotzen.
Goizean goiz hasi ziren zapatuan mundakar asko marmitak prestatzen. Kalean batzuk, txokoetan beste batzuk, gazte zein nagusi ugari animatu ziren marmita txapelketan parte hartzera. Ordu batetan herriko plazara joan ziren parte hartzaile guztiak, bertan aurkeztu behar zituzten-eta goizean prestatutako marmitak.
Ilara luzea egon zen plazan, kazolak aurkezterako orduan. Hain zuzen ere, 50 kazola aurkeztu zituzten aurtengo marmita txapelketara.
Egun guztian, gainera, eguraldiak lagunduta, giro izugarria egon zen herrian. Txistu soinua ere lagun izan dute asteburu osoan; hainbat izan dira txistulariek egindako kalejirak.
Pilota eta musika
Frontoia ere Euskal Jaiaren agertokia izan da. Bariku arratsaldean, pala partiduak jokatu zituzten, eta, zapatuan, berriz, pilota partiduak. Dantzan egiteko aukera ere eduki zuten mundakarrek zapatu gauean, Akiakuleren erromeriagaz.
Euskal Jaia amaitzeko, domekan, meza ostean, Mundakako Abesbatza, trikitilariak eta txistulariak elkarregaz ibili ziren herriko kaleak girotzen.
