Kalekak 26.000 bisitari baino gehiago eduki ditu
Kaleka 27. Nazioarteko Kale Antzerki Jaialdia bisitatuena eta parte hartze handiena izan duen jaialdia izan dela adierazi dute antolatzaileek. Eguraldia ere lagun, ekintza guztiek izandako harrera ona izan dela zehaztu dute.«Plazak, portuak, kaleak, p...
Kaleka 27. Nazioarteko Kale Antzerki Jaialdia bisitatuena eta parte hartze handiena izan duen jaialdia izan dela adierazi dute antolatzaileek. Eguraldia ere lagun, ekintza guztiek izandako harrera ona izan dela zehaztu dute.
«Plazak, portuak, kaleak, parkeak eta ondare diren guneak parte hartze handia erakutsi duten publikoaz bete dira. 4 tailer, 2 instalazio interaktibo, 15 ikuskizun baino gehiago eta zinema proiekzioak 26.000 bisitari baino gehiago erakarri dituzte aurtengo jaialdira».
Publiko eta bisitarientzat, parte hartu duten artistentzat, formazioa eta sormenezko profesionalentzat eta herriko eragileentzat 27. jaialdia esperientzia eta jakintza trukaketa ahaztezinen bilera izan dela nabarmendu dute. «Formatuan egin diren aldaketek herritarren parte hartzea bultzatu dute, eta elkarteen arteko eta herriko eragileen, inguruko eragileen eta nazioarteko eragileen arteko hartu-emana indartu dute».
Aurtengo jaialdia, gaur eguneko kultur egoeraren erreflexio eta egokitzapen hasiera garai legez aurkeztu dute, eraldaketa prozesuaren hasiera modura. «Marko teoriko batetik lan egin da, eta aldaketa txikiak eman dira egituran eta edukietan. Jaialdi egunetako esperientziak egokiak eta beharrezkoak izan direla ikusi da, eta aurreikusten zen legez, garapenean dagoen kultur testuinguruan herritarren parte hartze aktiboa izan dute inprobizazio eta elkarrekintzagaz zerikusia zuten ekintzek».
Kalekak ez du etenik izango. Hurrengo hilabeteetan ere lanean jarraituko dutela aurreratu dute, Kalekaren 28. jaialdira arte.
«Plazak, portuak, kaleak, parkeak eta ondare diren guneak parte hartze handia erakutsi duten publikoaz bete dira. 4 tailer, 2 instalazio interaktibo, 15 ikuskizun baino gehiago eta zinema proiekzioak 26.000 bisitari baino gehiago erakarri dituzte aurtengo jaialdira».
Publiko eta bisitarientzat, parte hartu duten artistentzat, formazioa eta sormenezko profesionalentzat eta herriko eragileentzat 27. jaialdia esperientzia eta jakintza trukaketa ahaztezinen bilera izan dela nabarmendu dute. «Formatuan egin diren aldaketek herritarren parte hartzea bultzatu dute, eta elkarteen arteko eta herriko eragileen, inguruko eragileen eta nazioarteko eragileen arteko hartu-emana indartu dute».
Aurtengo jaialdia, gaur eguneko kultur egoeraren erreflexio eta egokitzapen hasiera garai legez aurkeztu dute, eraldaketa prozesuaren hasiera modura. «Marko teoriko batetik lan egin da, eta aldaketa txikiak eman dira egituran eta edukietan. Jaialdi egunetako esperientziak egokiak eta beharrezkoak izan direla ikusi da, eta aurreikusten zen legez, garapenean dagoen kultur testuinguruan herritarren parte hartze aktiboa izan dute inprobizazio eta elkarrekintzagaz zerikusia zuten ekintzek».
Kalekak ez du etenik izango. Hurrengo hilabeteetan ere lanean jarraituko dutela aurreratu dute, Kalekaren 28. jaialdira arte.
