Basurdeei babesa erakusteko ikus-entzunezkoa prestatu dute
Gernika Rugby taldeak Urbietan jokatuko du mailari eusteko kanporaketaren bueltako partida, domeka eguerdian. Taldea animatu, eta hitzordu garrantzitsu horretarako giroa berotzeko bideoa sortu dute.
Bertan, eskualdeko aurpegi ezagun asko agertzen dira Ni be basurdie naz esaten. Arraunlariak, puntistak, moto zein auto gidariak, saskibaloi jokalariak, txirrindulariak, futbolariak, zestalariak, politikariak, musikariak, bertsolariak, boxeolariak, suhiltzaileak… Askotariko herritarren babesa dute basurdeek.
7-35 joanekoan
Domekan Valentzian (Herrialde Katalanak) jokatu zuten mailari eusteko kanporaketaren joaneko partida, eta talde gernikarra 7-35 nagusitu zen CAU Rugby Valenciaren kontra. Beraz, kanporaketa ondo bideratuta dute.
