Apirilaren 2an egingo dute Gernikako Nazioarteko Duatloia
XXI. edizioa izango du aurten Nazioarteko duatloiak, eta izena emateko epea zabalik da. Martxoaren 24a bitartean eman daiteke izena, www.triatloi.org webgunean. Federatuta daudenek 20 euro ordaindu beharko dituzte, eta federatuta ez daudenek 30 euro.
Apirilaren 24tik 28ra bitartean ere izena emateko aukera izango da, baina garestiago ordaindu beharko dela jakinarazi dute antolatzaileek. gehienez, 250 atletek parte hartu ahal izango dute Gernikako lasterketan.
Apirilaren 2an 16:00etan emango diote hasiera probari. Emakumezkoak aterako dira lehenenbizi eta, ordu laurden beranduago (16:15ean) gizonezkoak. Korrika, parte hartzaileek 5 kilometroko distantzi egin beharko dute lehenengo; ostean, bizikleta gainean, 20 kilometroko ibilbidea burutuko dute. Amaitzeko, herri barruan, 2,5 kilometroko distantzia egingo dute korrika, helmugara heltzeko.
Lasterketa egunean –apirilaren 2an– 13.00etan zabalduko dute dortsalak hartzeko idazkaritza (Elai-Alai aretoan). Parte hartzaileek NAN agiria edo lizentzia aurkeztu beharko dute horretarako. Boxeak 14:15ean irekiko dituzte.
Sariak
Bai emakumezkoen zein gizonezkoen kategorian, lehen hiru sailkatuek saria hartuko dute. 18:30ean egingo dute sari banaketa ekitaldia.
1. 400 euro + txapela + garaikurra + CAMPOS kontserba enpresaren lotea.
2. 200 euro + garaikurra + CAMPOS kontserba enpresaren lotea.
3. 100 euro + txapela + garaikurra + CAMPOS kontserba enpresaren lotea.
16:00etan emango diete irteera emakumezkoei, eta 16.15ean gizonezkoei
Bizikleta gainean 20 kilometro egingo dituzte
