Basurdeek Complutense Cisneros-en kontra jokatuko dute zapatuan

Aintzina Monasterio

2016/03/17

Argazkia: Angel Grande.

17:00etan hasiko da partida, Urbietan. 18. jardunaldiko norgehiagoka hau, denboraldi honetan etxean jokatzen duten azken aurrekoa da. Urbietako denboraldiko azken partida Barcelonaren kontra jokatuko dute, 21. jardunaldian. Izan ere, asteburuko jardunaldia kontuan hartuta, Ohorezko mailako taldeei bost jardunaldi gelditzen zaizkie 2015-2016 denboraldia amaitzeko. Gaur gaurkoz Gernika Rugby taldea sailkapeneko hamargarrena da, 24 puntugaz. Atzetik Hernani eta Pozuelo ditu, 22 eta 16 puntugaz, hurrenez hurren. VRAC Quesos Entrepinares liderrak 73 puntu pilatu ditu orain arte, eta hamar puntu gutxiago ditu SilverStorm El Salvador bigarrenak. Hurrengo hiru taldeek oso alde estua dute. Complutense Cisneros dago hirugarren 58 puntugaz, puntu bat gutxiago du UE Santboianak, eta 56 puntu ditu Bathco Rugby Santardergo (Kantabria, Espainia) taldeak. Jostailu eta arropa bilketa Bestalde, Gernika Rugby taldeak jostailu eta arropa bilketa egingo du Urbietan, zapatu arratsaldean. Gabonetako oporraldian egin zuten arropa bilketak erantzun “itzela” izan zuela ikusita, asteburu honetan ere esperientzia errepikatzea erabaki zuten. Bizkaiko Caritasegaz elkarlanean prestatu dute egitasmoa, eta erakunde horrek izango du bildutakoa beharrizana dutenen artean banatzeko ardura. “Lagundu gura dutenek Urbietara eroan behar dituzte jostailu eta arropak, eta sarreran esango diete non eta zelan utzi. Basurde tabernan ere utzi litezke gura izanez gero”, azaldu dute Gernika Rugby taldekoek. Nesken entrenamendua Ohorezko mailako partidaren ostean, sortu berri den nesken taldearen entrenamendua egongo da Urbietan. 18:30etatik aurrera ariko dira entrenatzen, eta haiekin entrenatzera joateko deia luzatu dute: “Ez zaitez etxean geratu, etorri kirol hau ezagutzera eta lagun berriak egitera”. Taldea osatzen ari dira, eta ahalik eta neska gehien animatzea gura dute.

Basurdeek Complutense Cisneros-en kontra jokatuko dute zapatuan

Bizkaia

Aburtok berretsi du Bilboko alkatetza uzteko erabakia ez zela berea izan, EAJrena baizik

Urrian hasiko dira Vecunia herrixka indigenaren bila Begoñako basilikan

Animalien historia ibiltaria

Hegoaldeko tren saihesbidea lurperatzeko edo herrigunetik ateratzeko eskatu dute Arrigorriagan

Barakaldo Naturalak «hipokritatzat» jo du EAJ, Espainiako Gobernuari tren saihesbidearen kalteak arintzeko plan bat eskatzeagatik

Greenpeacek hamabost toki kritiko identifikatu ditu Bizkaiko eta Gipuzkoako kostaldean

Itaiak salatu du mutil talde batek Arrigorriaga inguruko nesken «irudi sexualizatuak» zabaltzen zituela

Paellez jositako Aixerrota

Bizkaitarrek aurreko kanpainan baino 58,6 milioi gehiago jaso dituzte etxebizitzari dagozkion kenkarietan

Palestinaren alde egiteagatik Bizkaian gutxienez 24 isun jaso dituztela salatu dute

Hegoaldeko tren saihesbideak Arabako eta Bizkaiko udalerrietan izango duen eragina arintzeko jarduera plan bat eskatu du EAJk

Absolbitu egin dituzte Berangoko ongietorriagatik auzipetutako guztiak

Leioako udalbatzak ez du onartu asto probak herriko jaietatik kentzea

Subflubialari Ez taldeko kideek 3.000 euroko isuna jaso dute Bizkaiko Foru Jauregian egindako protestaren harira