Foruko 64 familia hasi dira hondakin organikoen bilketa sistema erabiltzen

Olaia Zabalondo

2015/10/28

Edukiontzi marroia Foruan

Bosgarren edukiontzia edota edukiontzi marroia eta auzokonposta herrian ezartzeko abiarazitako Aurrera Organikoarekin! kanpainak izan duen erantzunarekin pozik agertu da Foruko Udala. Izan ere, 64 familiak eman dute izena materia organikoa biltzeko sistema berrian. Herritarren erantzunagaz «pozik» daudela dio Foruko alkate Janire Urkietak: «Foruko herria arduratsua da ingurumenagaz eta zerbitzu berri honegaz, inguruan ditugun gune naturalak errespetatzeko aukera gehiago ditugu. Birziklapenaren aldeko apustua ezinbestekoa da herria jansangarri modura hazteko». Herriko lau puntutan aurkitu ahalko dituzte herritarrek edukiontzi marroiak: Udaletxeko aparkalekuan, Kantaleko aparkalekuan, Ibarrako auzoan eta Busterriko etxeetan. Astero egiten da bilketa; eguenetan, hain zuzen ere. Autokonpost sistema erabiltzen ari diren familiak, bestalde, sistema berrira azkar egokitu direla esan du alkateak, «eta euren ortu eta lorategietarako konposta lortzen ari dira». Martxoan abiarazi zuen Foruko Udalak bosgarren edukiontziaren sistema bultzatu eta herriko familiak sentsibilizatzeko kanpaina. Informazio material ezberdina banatu zuten, eta zalantzak argitzeko eta sisteman parte hartzeko beharrezkoa den materiala banatzeko informazio saio ezberdinak ere egin dituzte. Gainera, autokonposta zelan egin behar den erakusteko tailer praktikoak ere eskaini dituzte, bai eta jarraipen pertsonala egin ere. Orain, amaitutzat eman dute aipatu kanpaina, hala ere, jakinarazi dutenez, parte hartu gura duten guztiek izena emateko aukera edukiko dute; 94-625 51 80 telefono zenbakira deitu edota organikoaforua@gmail.com helbide elektronikora idatzi beharko dute.

Foruko 64 familia hasi dira hondakin organikoen bilketa sistema erabiltzen

Bizkaia

Artxibatu egin dute Voxek Santurtzin egindako ekitaldian atxilotu zuten emakumearen kontrako auzia

Aburtok berretsi du Bilboko alkatetza uzteko erabakia ez zela berea izan, EAJrena baizik

Urrian hasiko dira Vecunia herrixka indigenaren bila Begoñako basilikan

Animalien historia ibiltaria

Hegoaldeko tren saihesbidea lurperatzeko edo herrigunetik ateratzeko eskatu dute Arrigorriagan

Barakaldo Naturalak «hipokritatzat» jo du EAJ, Espainiako Gobernuari tren saihesbidearen kalteak arintzeko plan bat eskatzeagatik

Greenpeacek hamabost toki kritiko identifikatu ditu Bizkaiko eta Gipuzkoako kostaldean

Itaiak salatu du mutil talde batek Arrigorriaga inguruko nesken «irudi sexualizatuak» zabaltzen zituela

Paellez jositako Aixerrota