Lehen zatian irabazten joan arren, bigarren zatian partida berdintzea lortu zuen etxeko taldeak.
Hala, puntu banaketaren ostean, Gernika sailapeneko laugarrena da 17 puntugaz. 2.B mailako bigarren multzoko liderra RM Castilla da, eta Barakaldo da bigarrena. Biek ala biek 23 puntu eskuratu dituzte orain arte. Gernikaren aurretik, Toledo da sailkapeneko hirugarrena.
Zapatu arratsaldean jokatu zuten derbia Sarriena futbol zelaian. Etxekoek izan zuten norgehiagokako lehen gol aukera. Etxanizen jokaldi batean, hark erdiratzea lortu bai, baina, Gabilondo ez zen baloia errematatzeko garaiz iritsi.
Gero, seigarren minutuan penaltiz sartu zuen Etxabek Gernikaren lehen gola. Polemikaz beteriko jokaldia izan zen. Delgadok baloia eskuagaz ukitu zuela protesta egin zuten gernikarrek, eta epaileak halaxe adierazi zuen.
Hurrengo minutuetan Leioak partida berdintzeko aukerak izan zituen, baina, ez zuen lortu. Sotak izan zuen Leioaren lehen gola egiteko aukera, baina, baloia langa gainera bidali zuen. Castrorena izan zen beste gol aukeretako bat, baina, Altamira atezainak baloia kornerrera bidali zuen.
Hala, lehen zatia amaitzeko bi minuturen faltan, Entziondok sartu zuen 2-0-ekoa. Pase luze bat jaso eta atezainaren aurrean bakarrik geratu, eta hari iskin eginik sartu zuen gola.
Bigarren zatia hasi eta berehala, lehen jokaldian heldu zen Leioaren lehen gola. Gernikaren area barruan, Altamiraren urruntze bat aprobetxatuta egin zuen Gabilondok 2-1-ekoa.
Gabilondoren golak indarra eman zien etxekoei, eta gernikarrak estutzen hasi ziren orduan. 65. minutuan, Gabilondoren erdiratze ederra ondo aprobetxatu zuen Etxanizek, eta erremate bikainagaz sartu zuen gola.
Leioaren bigarren gol horren aurretik, Santamariari egindako ustezko penalti bat adierazi barik utzi zuen epaileak. Hain zuzen ere, Kevinen erdiratze baten ostean Santamariak izan zuen Gernikaren hirugarren gola egiteko aukera. Halaber, Leioak ere eskura izan zuen garaipenaren gola; Etxanizek buruz erremataturiko baloia langa gainetik joan zen.
Lehen zatian irabazten joan arren, bigarren zatian partida berdintzea lortu zuen etxeko taldeak.
Hala, puntu banaketaren ostean, Gernika sailapeneko laugarrena da 17 puntugaz. 2.B mailako bigarren multzoko liderra RM Castilla da, eta Barakaldo da bigarrena. Biek ala biek 23 puntu eskuratu dituzte orain arte. Gernikaren aurretik, Toledo da sailkapeneko hirugarrena.
Zapatu arratsaldean jokatu zuten derbia Sarriena futbol zelaian. Etxekoek izan zuten norgehiagokako lehen gol aukera. Etxanizen jokaldi batean, hark erdiratzea lortu bai, baina, Gabilondo ez zen baloia errematatzeko garaiz iritsi.
Gero, seigarren minutuan penaltiz sartu zuen Etxabek Gernikaren lehen gola. Polemikaz beteriko jokaldia izan zen. Delgadok baloia eskuagaz ukitu zuela protesta egin zuten gernikarrek, eta epaileak halaxe adierazi zuen.
Hurrengo minutuetan Leioak partida berdintzeko aukerak izan zituen, baina, ez zuen lortu. Sotak izan zuen Leioaren lehen gola egiteko aukera, baina, baloia langa gainera bidali zuen. Castrorena izan zen beste gol aukeretako bat, baina, Altamira atezainak baloia kornerrera bidali zuen.
Hala, lehen zatia amaitzeko bi minuturen faltan, Entziondok sartu zuen 2-0-ekoa. Pase luze bat jaso eta atezainaren aurrean bakarrik geratu, eta hari iskin eginik sartu zuen gola.
Bigarren zatia hasi eta berehala, lehen jokaldian heldu zen Leioaren lehen gola. Gernikaren area barruan, Altamiraren urruntze bat aprobetxatuta egin zuen Gabilondok 2-1-ekoa.
Gabilondoren golak indarra eman zien etxekoei, eta gernikarrak estutzen hasi ziren orduan. 65. minutuan, Gabilondoren erdiratze ederra ondo aprobetxatu zuen Etxanizek, eta erremate bikainagaz sartu zuen gola.
Leioaren bigarren gol horren aurretik, Santamariari egindako ustezko penalti bat adierazi barik utzi zuen epaileak. Hain zuzen ere, Kevinen erdiratze baten ostean Santamariak izan zuen Gernikaren hirugarren gola egiteko aukera. Halaber, Leioak ere eskura izan zuen garaipenaren gola; Etxanizek buruz erremataturiko baloia langa gainetik joan zen.
