Jose Gabriel Ruiz eta Laura Veronica Carrillo dira Campos Urdaibai Kopako irabazleak

2015/09/28

Carrillo eta Ozaeta, lasterketako podiumean/ Haitz Biribil

Foruan jokatu zen domekan Campos Urdaibai Kopako azken proba, eta aurten Ruiz eta Carrillo igo dira podiumaren gorenera. Arrolapeko Aritz Martinek lortu du Campos Urdaibai Kopako bigarren postua. Hirugarren postua Bilboko Arkaitz Muñozerantzat izan da. Hala, Urdaibai Kopako denboraldiarekin amaitu dute lasterkariek. Nesken artean, Agurtzane Argiaro bermeotarrak eskuratu du Urdaibai Kopako bigarren postua, eta Arrolapeko Leire Monasteriok hirugarrena. Antolatzaileek barkamenak eskatu dituzte nesken kategorian Urdaibai Kopako podiuma osatzerakoan errakuntza bat izan zelako. Agurtzane Argiaro da aurten, Campos Urdaibai Kopako bigarren postua eskuratu duena, baina, errakuntza bat tarteko, Zenaide Albarezi eman zioten kopa. Ostean, gaizki ulertua argitu zuten, eta barkamena eskatu dituzte. Campos Urdaibai Kopako azken proba ez ezik, Foruko lasterketa ere izan zen domekakoa. Lasterketako irabazlea Arrolape Mendi Klubeko Julen Ozaeta izan zen. 1.34.20ko denbora behar izan zuen Ozaetak helmugara heltzeko. Haren atzetik sartu ziren Arkaitz Muñoz (1.41.04) eta Jose Gabriel Ruiz (1.44.00). Emakumezkoen artean, Laura Veronica Carrillo izan zen azkarrena Foruko lasterketan. 1.56.33ko denbora egin zuen eta, sailkapen orokorrean 11. postua lortu zuen. Zenaide Albarez izan zen bigarrena helmugara heltzen (1.57.15) eta Leire Monasterio hirugarrena (2.09.13). Foruko martxa Mendi lasterketan 29 lagunek parte hartu zuten atzo, Foruan. Oinez, zein korrika, guztira 260 parte hartzaile izan zirela aipatu dute antolatzaileek. 21,6 kilometroko ibilbidea egin zuten parte hartzaileek. Eguna ondo joan zela aipatu dute, eta eguneko anekdota ere izan zutela; norbaitek ibilbidearen zati batean seinaleak aldatu izana, alegia. Hala ere, inor ez zen galdu.

Jose Gabriel Ruiz eta Laura Veronica Carrillo dira Campos Urdaibai Kopako irabazleak

Bizkaia

Gizon bat atxilotu dute Getxon, motozerra batekin pertsona batzuei jazartzeagatik

Sarrera bateratua eskainiko dute Bilboko Guggenheimek eta Arte Ederren Museoak, lankidetza zabalago bati begirako lehen urrats gisa

EH Bilduk Maria del Rio proposatu du Bilboko alkategaia izateko

Bizkaiak oso-osorik eutsi dio bere zerga erreformari, neurririk polemikoenak barne

Bilbok ondare babesa emango dio Zabalguneari proiektuaren 150. urteurrenean

Adingabeen zentroak «tentsiopean» daudela eta, Bizkaiak salbuespen egoera izendatu du berriro

Garraio publikoaren erabilerak %9 egin zuen gora iaz Bilbon

Juanjo Menak bertan behera utzi ditu Bilbon ematekoak zituen agur kontzertuak, alzheimerraren ondorioz

Diviparen Derioko lantokia itxi nahi dutela salatu du ELAk

Gizon bat espetxeratu dute, ustez hiru emakumeri sexu erasoak egiteagatik Gorlizen

Berriro ere itsasoratu da ‘Kate’, Vigo helmuga

Paperezko 21 soineko lehiatuko dira zapatuan Gueñesen

Teresa Laespada hautatu dute PSE-EEren Bizkaiko ahaldungai nagusi izateko