Erik Mendizabalek Munduko Txapelketaren finalaurrekoa jokatuko du
Mutrikuarrak Goikoetxearen aurka Bilboko Deportivo frontoian jokatuko du buruz burukoa. Goikoetxea partidako faboritoa baldin bada ere, Mendizabalek gauzak ez dizkio erraz ipinikoErik Mendizabal mutrikuarrak Goikoetxea izango du aurrez aurre Munduko Tx...
Mutrikuarrak Goikoetxearen aurka Bilboko Deportivo frontoian jokatuko du buruz burukoa. Goikoetxea partidako faboritoa baldin bada ere, Mendizabalek gauzak ez dizkio erraz ipiniko
Erik Mendizabal mutrikuarrak Goikoetxea izango du aurrez aurre Munduko Txapelketaren finalaurrekoan. Gaur, 19:30ean, Bilboko Deportivo frontoiko jaialdian jokatuko da norgehiagoka. Mutrikuarrak bere lehen parte hartzea du txapelketan, eta ondo moldatzen ari da.Goikoetxea da partidako faboritoa, baina mutrikuarraren aurka ondo jokatu beharko du. Izan ere, zortzi urte dira jada Mendizabal Estatu Batuetara joan zela, eta Beaskoetxeagaz batera, Dania Jai Alai pilotalekuko izar handia da. Neurriak bikain hartu dizkio denbora tarte honetan Daniako frontoiari, eta bere aurka buruz buru jokatzea amesgaiztoa da askorentzat. Hala ere, Daniako frontoiak ez du zerikusirik Bilbokoarekin eta Goikoetxeak esperientzia handiagoa du, gainera, frontoi desberdin askotan jokatutakoa da, eta Erik-ek bere ibilibide profesionala frontoi bakarrera mugatu du. Ikusi egin beharko da Mendizabal Goikoetxeari aurre egiteko moduan den. Goi mailako bi pelotari handi elkarren aurka, buruz buru jokatzen espezialistak.
Beste finalerdian, bestalde, Egiguren eta Olharan lehiatuko dira. Final handia etzi jokatuko da, Bilbon baita ere, 18:00etan.
