Laidako hareatza berreskuratzeko egiten ari diren lanak gelditzea eskatu du Mundakako Udalak

Olaia Zabalondo

2015/05/20

Hondeamakinak Laidan

Txosten teknikoen analisi berrien zain, Mundakako ezker olatua babestu asmoz, Mundakako Udalak Laida hondartza berreskuratzeko egiten ari diren lanak gelditzea edo moteltzea eskatu dio Espainiako Gobernuko Kosta Mugapeari . Lan horiek ezker olatuaren hondarpean eragin ditzakeen kalteengatik ardura agertu du udalak. Laida hondartza berreskuratzeko lanak hasi ostean, hainbat izan dira sortutako kezkak, batez ere, surflarietan. Izan ere, horien arabera, lanok ezker olatua kaltetu dezakete. Horiek guztiak argitzen laguntzeko Mundakako Udalak mahai inguru bat antolatu zuen joan den barikuan. Bilera irekia izan zen eta hainbat izan ziren gai horretaz arduratuta azalpenak entzutera hurbildu ziren herritarrak. 150 lagun inguru batu ziren, horien artean herriko elkarteetako kideak eta Mundaka Surf Taldekoak. Mahai inguru horretan, bestalde, hainbat teknikarik parte hartu zuten; AZTI-ko, Bizkaiko Foru Aldundiko, Eusko Jaurlaritzako eta Espainiako Gobernuko Kosta Mugapeko teknikariak izan ziren. Laidako hondartza berreskuratzeko lanek ezker olatuan eraginik ez dutela izango baieztapen teknikoen aurrean, surflariek baieztapen horiek zalantzan jartzeko datuak zeukatela adierazi zuten. Hala, Urdaibaibai Biosfera Erreserbako Patronatuari eta Bizkaiko Foru Aldundiko Ingurumen Sailari proiektuaren analisi berria egiteko eskaera egin zien. Era berean, bigarren iritzi batek galdera bati “zuzenean erantzutea” eskatu zuten: “Laidako hondartza berreskuratzeko martxan jarritako lanek ez diote Mundakako hondarpeari eta olatuari kalterik eragingo?”. Mundakako ezker olatua babestu beharreko “balio naturala” dela azaldu dute udaletik: “olatuak, gainera, turismoa erakartzen du herrira eta eskualde osora”. Horregatik guztiagatik eta barikuko mahai inguruaren ostean, Laidako hareatza berreskuratzeko egiten hasi diren lanak gelditzeko eskatu du Mundakako Udalak. Munduan ezaguna da Mundakako ezker olatua, surflari ugari erakartzen ditu. Olatua Mundakako hondarpean hasi eta Laidako hondatzan amaitzen da. Hego-mendebaldeko haizeek sortzen duten olatuak lau metroko altuera eta 400 metroko luzera izan dezake. Olatuak tutu bat eratzen du eta barrutik surflariek kostalde osoa ikusteko aukera izaten dute. Ezaugarri horrek “balio erantsia” ematen dio Mundakako ezker olatuari.

Laidako hareatza berreskuratzeko egiten ari diren lanak gelditzea eskatu du Mundakako Udalak

Bizkaia

Mila merkatari eta ostalari jubilatuko dira Bilbon datozen bost urteetan

EAEko Auzitegi Nagusiak handitu egin du Ekain Perrinok jaso beharreko kalte ordaina

LABek salatu du Bizkaiko zahar etxeetako hitzarmenaren negoziazioa «blokeo arriskuan» dagoela

Azaroan hasiko dituzte Ermuko mendebaldeko saihesbidearen lanak

Aldiriko lehen Lottu trena bihar hasiko da Bilbo eta Urduña arteko bidea egiten

Hondakin organikoekin, Araban, Bizkaian eta Gipuzkoan kontsumitzen den gasaren %1,2 ekoitziko dute Bilbon

Emakume baten gorpua aurkitu dute Barakaldon, eta ikerketa bat abiatu dute

Bilboko Udalak emakume bat etxegabetu du Otxarkoagan

Gizon bat atxilotu dute Trapagaranen, emakume bat autoz harrapatzea eta ihes egitea egotzita

Bizkaiko umeek eta nerabeek euren iritzia kontuan hartzeko eskatu dute

Europako pintzelek irudikatutako Amerika bildu du Bilboko Arte Ederren Museoak

Bilbon gizon homosexualak hiltzen zituen gizona hirugarren aldiz zigortu dute hilketagatik

Manifestaziora deitu dute Erandioko Los Ochos eraikinetako bizilagunak etxegabetu nahi dituztela salatzeko

Andre eskulangileek erakusleiho bat izango dute bihar Diman