Depresioarekin zerikusia duten patologiak ugaritu egin direla ohartarazi du LABek

Lan Osasunaren Nazioarteko Eguna da gaur, eta pribatuaren gainetik publikoa hobesteko eskatu du

Busturialdea

2015/04/28

LAB sindikatuaren ordezkariak

Kapitalismoak asmatutako “sasi-krisiak” langabeziaren hazkundea eta lan istripu eta gaixotasunak izkutatu dituela salatu du LAB sindikatuak. “Sortu duten prekarietateak bizi kalitatea kaltetu du”. Gainera, 2008. urtetik hona, depresioarekin eta antsietatearekin zerikusia duten patologiek gora egin dutela salatu du sindikatu abertzaleak. “Gero eta jende gehiago doa kontsultara zantzu horiekin, estresak jota, edota lana galdu dutelako etxearen hipoteka ordaindu ezinak dakarren segurtasun ezak jota”. Bere buruaz beste egiten dutenen kopuruak ere gora egin duela salatu du LAB sindikatuak. “Erreforma guztien artean, mutuen legea eta aldi baterako ezgaitasunari buruzko dekretua onartu dituzte, publikoak diren konpetentziak esku pribatuetan uzteko”. LABek dioenez, osasungitza publikoa pribatizatu eta deskapitalizatu gura dute, mutualitateen onerako. “Mutuek eskumen berriak dituzte, autonomoen langabezia edo arriskuko haurdunaldiak, esate baterako”. Gainera, mutuei konpetentzia gehiago emango dizkiete. “Konpetentzia horiek guztiek langileak kontrolatzeko boterea handitzen dute, sistema publikoa deuseztatzeko bidean”. Hori dela eta, pribatuaren gainetik publikoa hobesteko eskatu du LABek. “Enpresei mutualitateekin kontingentzia arrunten kontrolerako hitzarmenik ez adosteko eskatu nahi diegu; hau da, kontingentzia profesionalak GSIN (Gizarte Segurantzaren Institutu Nazionalarekin) hitzartzea eta osasun arreta Osasunbidea eta Osakidetzaren esku uztea”. Hala, Gizarte Segurantzaren kotizazioen zati bat osasun zerbitzu publikora bideratzea lortu gura du sindikatuak, “eta, bide batez, baliabide ekonomiko eta tekniko gehiagorekin hornituko dugu”.

Depresioarekin zerikusia duten patologiak ugaritu egin direla ohartarazi du LABek

Bizkaia

Bizkaiko umeek eta nerabeek euren iritzia kontuan hartzeko eskatu dute

Europako pintzelek irudikatutako Amerika bildu du Bilboko Arte Ederren Museoak

Bilbon gizon homosexualak hiltzen zituen gizona hirugarren aldiz zigortu dute hilketagatik

Manifestaziora deitu dute Erandioko Los Ochos eraikinetako bizilagunak etxegabetu nahi dituztela salatzeko

Andre eskulangileek erakusleiho bat izango dute bihar Diman

Bidesariaren aurkako plataformak AP-68agatik ez ordaintzera deitu ditu gidariak

Santurtziko Udalak aitortu du udaltzainek ez dietela Ander S.T.-ren heriotza eragin zuen atxiloketari buruzko informazio osoa helarazi

Portugaleteko Gurdibide, munduko hiri mahastien taldean

Deslokalizazioaren eta desmemoriaren aurkako literatura

Gogora-k Urduñako espetxe frankistan hil ziren beste bost presoren gorpuzkiak identifikatu ditu

Aburtoren legatuari ez ezik, EH Bilduk agintean egiten duenari erreparatu dio EAJk Bilboko osoko bilkuran

Bizkaiko gasolindegien mahaian euskaraz negoziatzeari uko egitea egotzi die ELAk patronalari eta CCOOri

Santurtzin hildakoaren kontra taser pistola erabili zuten zoruan immobilizatuta zegoela

Zabalik da Durangoko Azokarako proposamenak bidaltzeko epea