Txantxangorri aisialdi taldeak 15. urteurren jaia goi-goitik ospatuko du
Urteurren berezia ospatzeko herriari begirako egun osoko egitaraua prestatu dute. Herria gorriz jantziko dute, taldeko elastiko gorriak eta pailazoen sudur gorriak soinean jantzitaMutrikuko Txantxangorri Aisialdi Taldeak goi-goitik ospatu nahi du bere ...
Urteurren berezia ospatzeko herriari begirako egun osoko egitaraua prestatu dute. Herria gorriz jantziko dute, taldeko elastiko gorriak eta pailazoen sudur gorriak soinean jantzita
Mutrikuko Txantxangorri Aisialdi Taldeak goi-goitik ospatu nahi du bere urteurrena, eta horretarako, herritar guztiak bihar egingo dute jaian parte hartzera gonbidatu dituzte. «Gaba Beltzean gurasoek euren begira zerbait egin behar genukeela eskatu ohi ditugu, eta biharkoa horretarako aukera aproposa da», nabarmendu dute begiraleek.Urteurren berezia ospatze aldera, herria gorriz jantzi nahi dute; elastiko gorriekin eta pailazoen sudur gorriekin jantzita irtengo dute begirale guztiek.
Kanta berri eta guzti
Begiraleak jaiaz gozatzeko irrikaz daude. «Polita izango da herritar guztiak bertan batzea».
Udaletxeko balkoitik txupinazoa botatzen hasiko dute eguna. Txapligua botatzearekin batera, egun berezirako prestatu duten kantua estreinatuko dute. Ondoren, iluntzera bitartean jaiak ez du etenik izango.
Bazkal aurretik argazki erraldoia aterako dute Goiko Plazan, eta jarraian, Merkatu Plazan bazkaritan batuko dira gaurko eta lehengo begiraleak herriko umeekin batera. «78 ume eta 60 nagusik eman dute izena».
Arratsaldea jolasean eta dantzan ibili eta gero, eguna Disko festarekin amaituko dute. Begiraleek jarriko dute musika eta «giro aparta» sortzea da euren asmoa. Irteeretan dantzatzen dituzten hainbat kantu ipiniko dituzte, eta Irri Irri Txantxangorri eta egunerako bertarako prestatu duten kantua ez dira faltako. «Koreografia berezia prestatu dugu, eta gure asmoa herri guztia dantzan ipintzea da».
