Martxan da Bermeoko Arrain Azokako XIII. pintxo lehiaketa

Olaia Zabalondo

2015/03/31

Iazko pintxo lehiaketako irabazleak: Izaro taberna, Ados Gastroteka eta Zubi Gane taberna

Beste behin ere, Arrain Azokaren baitan, pintxo lehiaketa antolatu du Bermeoko Eleizalde ikastolak. Aurtengoa lehiaketa horren hamahirugarren urtea izango da, eta herriko 20 taberna baino gehiago izango dira parte hartzen. Ohikoa den moduan, arrainarekin egindako pintxoak izan beharko dira lehiaketara aurkeztutakoak. Aipatu lehiaketan parte hartzen duten pintxoak Aste Santutik aurrera dastagai izango dira. Hain zuzen ere, maiatzaren 3ra arte dauden asteburu eta jai egun guztietan izango dira dastagai. Egun horietan, 12:00etatik 14:30era dastatu ahalko direla jakinarazi dute. Arrain Azokako pintxo lehiaketan parte hartzen duten taberna guztiekin eskuorri bat prestatuko dute antolatzaileek. Horretan, lehiaketara aurkeztutako pintxoen argazkiak ikusi ahalko dira, bakoitza zelan dagoen eginda azaltzen dute eta zein tabernatan eginda dagoen. Eskuorri hori lehiaketan parte hartzen duten tabernetan eta Bermeoko Turismo Bulegoan aurki daiteke. Hemen ere ikus daitezke:

http://bit.ly/1My9qO5

Partaide bakoitzak bere tabernan jarriko du pintxo lehiaketaren kartela, eta era berean, lehiaketara aurkeztutako pintxoa zein den adierazita izango du. Lau sari banatuko dituzte, Arrain Azokaren asteburuko zapatuan, maiatzaren 16an, 13:00etan Lamerako kioskoan. Epaimahaikideek emango dituzte hiru sari eta herritarrek, berriz, sari bat. Izan ere, publikoak liburuxka baten bitartez baloratu ahalko ditu lehiaketara aurkeztutako pintxoak. Ondoren, horretan parte hartzen duten guztiek zozketa batean sartuko dira.

Martxan da Bermeoko Arrain Azokako XIII. pintxo lehiaketa

Bizkaia

Gernikako Udalak abuztuaren 23rako gaztetxea husteko eskatu du, lege prozedurarik hasi barik

Justizia Anderrentzat plataformak salatu du oraindik badaudela «erantzule diren polizia eta arduradun politikoak»

Euskal artista gazteen saretzea bistaratu du ‘Ertibil Bizkaia’ erakusketak Bilbon

Onintza Enbeita: «Bertsolari moduan sekula jaso dudan maitasun erakustaldirik handiena da pregoilari izatea»

Ezinbesteko andre ahaztuak

Espetxeratu dute Getxon sexu eraso bat egitea leporatuta atxilotu zuten gizona

Santurtziko udaltzainburuak dimisioa eman du, bi auzi ikerketapean egonda

Cake Minuesa eskuin muturreko probokatzaileari erasotzea leporatzen diote atzo atxilotutako gizonezkoari

Subflubialari Ez plataformak «gardentasuna» eskatu du itsasadar azpiko errepidearen proiektuaren inguruan