‘Barikuetan Jai Alai’ kinielak hasiko dituzte eguenean Gernika-Lumoko Jai Alai frontoian

Izaro Mendieta

2015/03/31

Gaur goizeko aurkezpenean, Gonzalo Beaskoetxea eta Edorta Basterretxea

“Neguan ere, zesta puntagaz gozatzeko aukera ematea” dute helburu zazpigarren urtez antolatu dituzten kinielek. Etzi hasi eta maiatzaren 8ra bitartean gauzatuko dituzte. Munduko Amateur txapeldunen eta etorkizuneko hainbat zestalariren arteko partiden bitartez, Gernika-Lumoko eta eskualdeko zaletasuna berreskuratzea dute xede antolatzaileek, eta, era berean, Aste Santuan Gernika-Lumora bertaratzen diren turistentzako ekintza erakargarri bilakatzea ere. Hala, eta iazko formatuari jarraiki, sei kiniela egingo dituzte. Egun horietarako, 19:00etan jarri dute ordua Jai Alai frontoian. Ordu horretan hasiko baitira kadete mailako zestalarien partidak. Hala ere, kategoria horretako partidak bihar barik, etzi hasiko dira, eta, guztira, bost bikotek bost kiniela jokatu beharko dituzte. Ordubete beranduago hasiko dira nagusien arteko norgehiagokak. Kasu honetan, hamabi puntista ariko dira lehian, kiniela amerikarraren formatuan. Horietan gehienak herrikoak bertakoak izango diren arren, Markina-Xemein, Berriatua eta Eako lagunak ere izango dira. Guztien artean lehenengo hiru onenen artean geratzen direnenetzako sariak egongo dira: lehenengoak 250 euro jasoko ditu; bigarrenak 150 euro, eta, hirugarrenak 100 euro. Astero, gainera, 40 euro jasoko ditu irabazten duenak. Aurreko urteetan jende mordoa elkartu da Gernika-Lumoko frontoian, eta, oraingoan ere hala izango dela uste dute antolatzaileek. 200 lagunetik gora biltzen dira zesta-puntako partida horietan, eta Aste Santuko eguen eta barikuan, 500 bat lagun. Horien guztien artean, «oso giro ona» sortzen da Jai Alaikoen arabera. Sarrera, gainera, doanekoa da eta bertako taberna ere zabalik izango dute. Bestalde, Eusko Label produktuekin betetako otzara bat zozkatuko dute.

‘Barikuetan Jai Alai’ kinielak hasiko dituzte eguenean Gernika-Lumoko Jai Alai frontoian

Bizkaia

Gizon bat atxilotu dute Getxon, motozerra batekin pertsona batzuei jazartzeagatik

Sarrera bateratua eskainiko dute Bilboko Guggenheimek eta Arte Ederren Museoak, lankidetza zabalago bati begirako lehen urrats gisa

EH Bilduk Maria del Rio proposatu du Bilboko alkategaia izateko

Bizkaiak oso-osorik eutsi dio bere zerga erreformari, neurririk polemikoenak barne

Bilbok ondare babesa emango dio Zabalguneari proiektuaren 150. urteurrenean

Adingabeen zentroak «tentsiopean» daudela eta, Bizkaiak salbuespen egoera izendatu du berriro

Garraio publikoaren erabilerak %9 egin zuen gora iaz Bilbon

Juanjo Menak bertan behera utzi ditu Bilbon ematekoak zituen agur kontzertuak, alzheimerraren ondorioz

Diviparen Derioko lantokia itxi nahi dutela salatu du ELAk

Gizon bat espetxeratu dute, ustez hiru emakumeri sexu erasoak egiteagatik Gorlizen

Berriro ere itsasoratu da ‘Kate’, Vigo helmuga

Paperezko 21 soineko lehiatuko dira zapatuan Gueñesen

Teresa Laespada hautatu dute PSE-EEren Bizkaiko ahaldungai nagusi izateko

Rigoberta Menchu eta Shirin Ebadi Bakearen Nobel saridunak omenduko ditu Fair Saturday fundazioak Bilbon