Bermeo blai egingo dute martxoaren 22an

Uraren inguruko sentsibilizazio kanpainari amaiera emateko jaialdia egingo dute

2015/03/11

Ikasleak, Zipriztin eta tiritatxo ere izan dira Uraren egunaren aurkezpenean

Uraren inguruko sentsibilizazio kanpainari amaiera emango diote martxoaren 22an, Uraren Nazioarteko Egunean, Bermeon. Gaur egin du Busturialdeko Ur Partzuergoak jaialdi horren aurkezpena, Lameran. Martxoaren 22rako, goiz osorako egitaraua prestatu dute, eta, egun horretan, “Bermeo blaitzera” doazela esan du partzuergoko presidente Iratxe Arriolak. Azaroan kanpaina hasi zutenetik, ura ardatz izan duen hainbat ekimen burutu ditu Busturialdeko Ur Partzuergoak: hitzaldi-eztabaidak, jardunaldiak, argazki lehiaketa, ikastetxeetan sentsibilizazio kanpaina… Azaroan hasi eta otsailera bitartean izan da ur partzuergoa Busturialdeko ikasleekin lanean. “Urari buruzko hiru fitxa banatu dizkiegu, betetzeko. Orain, ikasleek fitxa horietan proposatutakoa oinarri hartuta, ikastetxe bakoitzak bere gutuna presatatu du, eta martxoaren 22an protagonismoa hartuko dute gutun horiek”, Arriolak azaldu duenez. Hain zuzen, bilatu egin beharko dituzte gutunak, Zipriztin eta Irrien Lagunen laguntzarekin egingo duten kalejiran. Egun horretarako, gainera, abesti bat eta bideoklipa sortu dute, Ken Zazpi, The Uski’s eta 22 metro koadro musika taldeeen laguntzarekin. Kanta hori prest dute dagoeneko, eta datozen orduetan egingo dute publiko. Egitaraua (martxoak 22):

10:00. Lameratik hasita, San Andres urtegira ibilaldi gidatua egingo dute.
10:45. Uraren aldeko Herrik Krossa. Bermeoko Atletismo Taldekoen laguntzarekin antolatuko dute, eta LHko 1. mailatik hasi eta DBH 2. mailara arteko ikasleek parte hartu ahal izango dute.
11:00. Txikientzat, nagusientzat zein herri krossean parte hartu dutenentzat txokolate jana egongo da. Herritar talde batek hartuko du txokolatea egiteko ardura.
11:30. Zipriztin eta Irrien Lagunekin, kalejira egingo dute. Lameratik Talara joaango dira, eta han hasiko dute kalejira. Bidean, Busturialdeko 15 ikastetxek Uraren Nazioarteko Egunerako idatzi dituzten gutunak aurkitu beharko dituzte.
12:30. Flasmob grabazioa. Ikasleek ez ezik, herritarrek ere parte har dezakete grabazio horretan. Busturialdeko ikastetxeetan prestatzen ari diren dantza ikasi gura duenak, honako helbide honetan ikus dezake: www.busturialdekoura.com
13:00. Ekitaldi nagusiarekin emango diote amaiera egitarauari. Bertan, ur partzuergoak antolaatu zuen argazki lehiaketaren sariak emango dituzte. Era berean, diploma bana hartuko du kanpainan parte hartu duen ikastetxe bakoitzak.