Hamabost salmahai izango ditu Bermeoko Liburu Azokak

Olaia Zabalondo

2015/03/04

Iazko azoka

Barikuan zabalduko ditu ateak Bermeoko Liburu eta Disko Azokak, eta martxoaren 15era bitartean bisitatu ahalko da, ohi legez, Lameran. Antolatzailek jakinarazi dutenez, aurten, hamabost salmahai izango ditu azokak. Bertaratutakoek euskal eta erdal berritasunak aurkitu ahalko dituzte. Irakurzaletasuna bultzatu asmoz, «azken eleberriak ezagutzera ematea eta liburua protagonista bilakatzea», ditu helburu Bermeoko Liburu eta Disko azokak. Hala, hainbat gai izango dira aukeran: haur eta gazte literatura, helduentzako literatura, sukaldaritza, historia, itsasoa eta euskal diskogintza, besteren artean. Euskal berritasunek, gainera, bai liburuek zein diskoek %10eko beherapena izango dutela azaldu dute antolatzaileek. Azokaren baitan,gainera, Euskal Aldizkaria erakusketa bisitatu ahalko dute herritarrek. Bestalde, zenbait idazle ere hurbilduko dira Bermeora. Hala, martxoaren 12an, eguenean, Unai Elorriaga idazlearekin solasaldia izango da udal liburutegian, 19:00etan. Idazlearen Iazko hezurrak liburuaz mintzatuko dira horretan. Martxoaren 14an, zapatuan, berriz, 19:00etatik aurrera, J. Javier Abasolo eta Jon Arretxe idazleak izango dira azokan. Abasolo Una del oeste bere liburua sinatzen, eta Arretxe Hutsaren itzalak. Lamerako salmahaiak goizez zein arratsaldez zabalik izango dira 11:30eatik 13:00eara eta 16:30eatik 20:00etara, hain zuzen.

Hamabost salmahai izango ditu Bermeoko Liburu Azokak

Bizkaia

Artxibatu egin dute Voxek Santurtzin egindako ekitaldian atxilotu zuten emakumearen kontrako auzia

Aburtok berretsi du Bilboko alkatetza uzteko erabakia ez zela berea izan, EAJrena baizik

Urrian hasiko dira Vecunia herrixka indigenaren bila Begoñako basilikan

Animalien historia ibiltaria

Hegoaldeko tren saihesbidea lurperatzeko edo herrigunetik ateratzeko eskatu dute Arrigorriagan

Barakaldo Naturalak «hipokritatzat» jo du EAJ, Espainiako Gobernuari tren saihesbidearen kalteak arintzeko plan bat eskatzeagatik

Greenpeacek hamabost toki kritiko identifikatu ditu Bizkaiko eta Gipuzkoako kostaldean

Itaiak salatu du mutil talde batek Arrigorriaga inguruko nesken «irudi sexualizatuak» zabaltzen zituela

Paellez jositako Aixerrota

Bizkaitarrek aurreko kanpainan baino 58,6 milioi gehiago jaso dituzte etxebizitzari dagozkion kenkarietan

Palestinaren alde egiteagatik Bizkaian gutxienez 24 isun jaso dituztela salatu dute

Hegoaldeko tren saihesbideak Arabako eta Bizkaiko udalerrietan izango duen eragina arintzeko jarduera plan bat eskatu du EAJk

Absolbitu egin dituzte Berangoko ongietorriagatik auzipetutako guztiak