Langabeziaren arazoa taula gainera eramango du gaur Txintxaun Kolektiboak

Busturialdeko Hitza

2015/02/27

Antzezlanaren une bat

Egungo garaietarako gai ezin aproposagoa dakar Txintxaun Kolektiboak gaur gauean Bermeon taularatuko duen antzezlanaren bitartez. The Full Monty filmaren moldaketa eginda, langabeziaren arazoari heldu eta izen bereko lana taularatuko du antzerki taldeak 21:00etan, Nestor Basterretxea aretoan. Langabeziaren eta krisiaren gordintasuna alde batera utzi barik, erritmo biziko komedia dramatikoa proposatzen dio Txintxaunek ikusleari. Hamar aktorek parte hartzen dute The Full Monty lanean: Andoni Ruiz, Aitor Aresti, Aitor Berrio, Fore Perez Oliver, Aitor Pareja, Joseba Romero, Raul Perez Oliver, Alizia Otxoa, Izar Narbaiza, Maite Lopez eta Sardo Irisarri. Langabezian dauden sei lagunen istorioa kontatzen du The Full Monty antzezlanak. Gaspar da protagonista nagusia, pentsioa ordaindu ahal izateko soldata bat lortu ezean denbora luzean Jon izeneko semea ikusi ezingo duen gizonezkoa. Gaspar eta beste bostak lur jota daude, autoestimurik barik. Euren egoerari irtenbide bat pentsatzen hasi, eta streaptease ikuskizun bat prestatzea bururatzen zaie. Esan eta egin. Lotsa alde batera utzi, eta duintasuna berreskuratzeko ahalegina egiten dute sei lagunek. Bideoa, musika, koreografiak… uztartuz, krisi egoera baten aurrean irtenbide kreatibo bat egon daitekeela erakutsiko dute. 2011n estreinatutako lana Berrizkoa da Txintxaun Kolektiboa, eta urtebete inguru prestatzen aritu ostean, 2011n estreinatu zuen film ingelesean oinarrituta Rosa Martinez-Alcocerrek moldatutako eta zuzendutako lana, Berrizen bertan. Orduz geroztik, hainbat izan dira antzerki taldeak han eta hemen egindako saioak. Bermeokorako sarrerak Gizarte eta Kultura Etxean daude salgai, eta baita orotarako kutxazainetan eta www.kutxabank.es webgunean ere, 5 eurotan.

Langabeziaren arazoa taula gainera eramango du gaur Txintxaun Kolektiboak

Bizkaia

Bizkaiko umeek eta nerabeek euren iritzia kontuan hartzeko eskatu dute

Europako pintzelek irudikatutako Amerika bildu du Bilboko Arte Ederren Museoak

Bilbon gizon homosexualak hiltzen zituen gizona hirugarren aldiz zigortu dute hilketagatik

Manifestaziora deitu dute Erandioko Los Ochos eraikinetako bizilagunak etxegabetu nahi dituztela salatzeko

Andre eskulangileek erakusleiho bat izango dute bihar Diman

Bidesariaren aurkako plataformak AP-68agatik ez ordaintzera deitu ditu gidariak

Santurtziko Udalak aitortu du udaltzainek ez dietela Ander S.T.-ren heriotza eragin zuen atxiloketari buruzko informazio osoa helarazi

Portugaleteko Gurdibide, munduko hiri mahastien taldean

Deslokalizazioaren eta desmemoriaren aurkako literatura

Gogora-k Urduñako espetxe frankistan hil ziren beste bost presoren gorpuzkiak identifikatu ditu

Aburtoren legatuari ez ezik, EH Bilduk agintean egiten duenari erreparatu dio EAJk Bilboko osoko bilkuran

Bizkaiko gasolindegien mahaian euskaraz negoziatzeari uko egitea egotzi die ELAk patronalari eta CCOOri

Santurtzin hildakoaren kontra taser pistola erabili zuten zoruan immobilizatuta zegoela

Zabalik da Durangoko Azokarako proposamenak bidaltzeko epea