Bermeoko Itsuki Irratiak badu bere lekua jadanik interneten. Hemendik gutxira, irratiak eskaintzen dituen saioak munduko edozein lekutatik entzuteko aukera eskainiko dute, izan ere, webgunea martxan jarri dute: www.itsuki-irratia.net.
1985eko ekainaren 2an hasi zuen Itsuki Irratiak bere ibilbidea Bermeoko uhinetan, Ibilaldia Bermeon egin zen egun hartan, hain zuzen ere. Ekainean, hortaz, 30. urteurrena ospatuko du Bermeoko komunikabideak.
Orrialdea dagoeneko bisitatu ahal bada ere, momentuz, lanean ari direla azaldu dute Itsuki Irratitik. Eguneko programazioa, publizitate prezioak, Bermeoko agenda eta irudiak ikus ditzakete webgunea bisitatzen duten horiek. Hurrengo urratsa, berriz, irratiko audioak entzungai jartzea izango dela jakinarazi dute.
