Outlet azoka egingo dute Gernikako merkatariek, eguenetik zapatura
“Merkataritza sektoreak krisia bizi du, eta egoera txarrean dago. Outlet azokak merkataritza berpizteko helburua da”, azaldu du elkarteko presidenteorde Nadia Gonzalezek. Prentsaurrekoa eman dute eguerdian, eta eguenetik zapatura egingo duten azokaren berri eman dute. 26 salmahai ipiniko dituzte Jai Alai pilotalekuan, eta erosleetzat sariak ere izango dira. Hain zuzen ere, merkatarien elkarteari buruzko galderak egingo dizkiete Jai Alai frontoira hurbiltzen direnei, eta, ondo erantzuten dutenen artean, 10 euroko bonoak banatu dituzte. Elkartearen Facebook perfilean eskegi duten outlet azokaren kartela elkarbanatzen dutenen artean ere banatuko dituzte bonoak.
Umeentzako ipuin kontalaria ere izango da eguen eta bariku arratsaldean; modu horretara, gurasoek erosketak erosoago egin ahalko dituztela azaldu du Gonzalezek. Txokolate jana ere egingo dute, barikuan.
Aurten, lehenengoz, jostailu-dendek ere parte hartuko dute outlet azokan.
