Tabernen XIV. mozorro lehiaketa antolatu du Bermeoko Jai Batzordeak

Olaia Zabalondo

2015/02/10

Iazko irabazleak, Talako Txiringito Tximinoi

Ohi legez, aratuste egunean, otsailaren 17an, izango da lehiaketa eta herriko edozein tabernak parte har dezake. Parte hartzaileek zenbait baldintza bete beharko dituzte aratuste egunean bertan. Antolatzaileek jakinarazi dutenez, 11:00etatik aurrera tabernak apainduta egon beharko dira baita tabernariak ere. Gainera, tabernetako apainketa otsailaren 21era arte mantentzea eskatzen dute Jai Batzordekoek, «aratusteetako egitaraua amaitu arte». Epaimahaia txapelketako antolatzaileen ordezkariek osatuko dutela jakinarazi dute eta parte hartzaile guztien tabernak bisitatuko dituzte otsailaren 17an, eguerdi partean. Irabazleen izenak, bestalde, egun horretako arratsaldean jakinaraziko dituzte. Bermeoko Udalaren webgunean eta sare sozialetan argitaratuko dituzte, hain zuzen. Balorazioa egiterakoan, epaimahaikideak honakoak izango dituzte kontuan: apainketaren orijinaltasuna, erabiliko diren materialentzako kontsumo orekatua eta ingurumena errespetatzea eta mozorroa eta apainketa bat izatea, besteak beste. Aratusteetako tabernen mozorro lehiaketan parte hartu gura duten tabernariek, otsailaren 16ra arte eman dezakete izena Kultura Sailean, 94-617 91 57 telefono zenbakira deituta edo kultura@bermeo.org helbide elektronikora mezu bat bidalita. Ondoren, izena eman duten tabernen zerrenda otsailaren 16an, 14:00etan, udalaren facebookean jarriko dutela jakinarazi dute.

Tabernen XIV. mozorro lehiaketa antolatu du Bermeoko Jai Batzordeak

Bizkaia

Catherine Zeta Jones Bilbora itzuli da

Aseguru pribatua dutenentzako kenkaririk ez ezartzeko eskatu die Osasun Publikoaren Aldeko Plataformak Batzar Nagusiei

Erle beltzentzako babesleku bat sortu dute Urkiolan

Bertan behera geratu da Bilboko udal etxebizitza batean bizi den 68 urteko emakumearen etxegabetzea

Bilboko Arte Ederren Museoak emakumezko artistei sarbide handiagoa emanez berrantolatu du bere bilduma

800 korrikalari lehiatuko dira bihar Gorbeia Suzien proban

Ondarearen kalteberatasunaz ohartaraziko dute Bizkaiko 77 udalerritan

Inbertsio funts batek Erandioko ehun etxetako baino gehiagotako maizterrak kanporatu nahi ditu

Iaz baino %20 organiko gehiago bilduko dute aurten Bizkaiko edukiontzi marroietan

Murueta ontziolak izokinetarako ontzi bat itsasoratu du

Jon Uriarte: «Gonbidapenak kentzea ez da kapritxoa izan»

Gaur hasiko da Dantzaldia Nazioarteko Dantza Jaialdia, ‘A ojo’ emanaldiarekin