Hamasei urteko zigorra ezarri diete sei somaliarrei
2012an Bermeoko 'Izurdia' atunontziari eraso egin zioten. Horiek «esperientzia handiko taldea» osatzen zuten, Espainiako Auzitegi Nazionalaren arabera2012an Bermeoko Izurdia atunontziari Indiako Ozeanoan eraso egin zioten sei somaliarrei hamasei urte...
2012an Bermeoko ‘Izurdia’ atunontziari eraso egin zioten. Horiek «esperientzia handiko taldea» osatzen zuten, Espainiako Auzitegi Nazionalaren arabera
2012an Bermeoko Izurdia atunontziari Indiako Ozeanoan eraso egin zioten sei somaliarrei hamasei urte eta erdiko kartzela zigorra ezarri diete.Espainiako Auzitegi Nazionalaren arabera, «esperientzia handiko taldea» osatzen zuten auzipetuek. Erakunde kriminal bateko kide izateagatik, Izurdia atunontziari eraso egiteagatik eta Herbehereetako gerra itsasontziaren abisuari jaramonik ez egiteagatik ezarri die zigorra.
Joan den hilean egin zuten epaiketa Madrilen. Orduan, somaliarrek Izurdia atunontzia eraso izana ukatu zuten. 2012ko urriaren 10 hartan, Somaliako uretan itsasora erori zen lagun bat erreskatatu guran ari zirela argudiatu zuten. Auzipetuetato batek, berriz, deklaratzeari uko egin zion, itzultzailea ez zelako bere lana ondo egiten ari.
Somalian atxilotu
Izurdia bahitzen saiatu zirenean, erasoen kontrako protokoloa jarri zuten martxan atunontziko segurtasunaz arduratzen zirenek, eta, ondorioz, segurtasun zerbitzu pribatukoak izan ziren atunontziko kideak babestu zituztenak. Gertaeraren hurrengo egunean aurkitu zituzten ustezko bahitzaileak Somalian, eta haien aurka tiro egin ostean atxilotu zituen Herbehereetako gerraontzi batek.
Espainiako Defentsa Ministerioak atxilotuak Espainiaratu ostean, Auzitegi Nazionalaren esku utzi zituen. Geroztik, kartzelan egon dira.
