Lea-Artibai eta Mutrikun 42 enpresa sortu ziren 2014an
39 enpresa berri Lea-Artibain daude, eta gainontzeko hirurak Mutrikun. Sektoreei dagokienez, erdiak baino gehiago zerbitzuen alorrekoak diraDebegesa Garapen Agentziaren, Leartiai Garapen Agentziaren eta Azaro Fundazioaren lankidetzari esker, 42 enpresa...
39 enpresa berri Lea-Artibain daude, eta gainontzeko hirurak Mutrikun. Sektoreei dagokienez, erdiak baino gehiago zerbitzuen alorrekoak dira
Debegesa Garapen Agentziaren, Leartiai Garapen Agentziaren eta Azaro Fundazioaren lankidetzari esker, 42 enpresa sortu ziren 2014. urtean, Lea-Artibain eta Mutrikun.Sortu diren enpresa horietatik 39 Lea-Artibain ipini dituzte martxan, Leartibai Garapen Agentzia eta Azaro Fundazioaren lankidetzari esker. «Enpresa hauen artean 66 langile edukiko dituzte hiru urteko epean. Momentuz, 51 lanpostu sortu dituzte», adierazi dute Leartibai Garapen Agentziako arduradunek.
Sektoreei dagokienez, bestalde, Lea-Artibain sortu diren enpresen %28 merkataritza sektorekoak, %20 ostalaritza eta turismo sektorekoak eta %52 zer- bitzuetakoak dira. «Aipatzekoa da baita ere, eskualdeko bost enpresa industrialekin behar egin dela enpresa hauetan negozio aukera berriak identifikatu eta martxan jartzeko».
Enpresak sortzeaz gain, eskualdean ekintzailetza bultzatzeko hainbat ekintza ere egin ziren iaz, eskualdeko VIII. Enpresa ideien lehiaketa, II. Ekintzaile azoka eta ekintzaileei zuzendutako bi ikastaro, esate baterako.
Enpresei eskaintzen dizkieten zerbitzuei dagokionez, iaz 50 enpresarekin behar egin zuten Azaro Fundazioak eta Leartibai Garapen Agentziak. «2015 urtera begira ere, Leartibai Garapen Agentziaren erronkak eskualdeko enpresa sarearen lehiakortasunean era baikor batean eragitera zuzenduta egongo dira».
Modu berean, ekintzailetza bultzatzeko lan lerro estrategikoa izaten jarraituko dutela azpimarratu du Lea-Artibai Garapen Agentziak. Enpresei dagokienez, «balio erantsidun zerbitzuak eskaini eta bitartekaritza lan eraginkorra egingo duen tokiko erakunde bezala kontsolidatzea izango da erronka».
Gipuzkoako Foru Aldunditik jasotako diru laguntzei esker, bestalde, hainbat enpresa sortu ziren iaz Debabarreneko eskualdean; horietatik hiru Mutrikun.
Hain zuzen ere, Debegesa Garapen Agentziaren ekimenez, aldundiak bideratutako 120.000 eurorekin, hemeretzi enpresa sortzea lortu zen: zortzi Eibarren, bost Elgoibarren, hiru Mutrikun, eta bana Mendaron, Deban eta Soraluzen.
Enpresa berri horiek hainbat arlotan ari dira lanean. Lau enpresa industria sektorean ari dira, beste lau enpresa teknologia berrien arlokoak dira, eta enpresa bat nekazaritzaren esparrukoa da. Gainontzeko hamarrek zerbitzuen alorreko jardu- erak burutzen dituzte.
Aldunditik jasotako diru funtsa enplegua hobetzeko proiektu estrategikoen garapena bultzatzera bideratu zuten. «Debabarrena Ekinean Funtsa deritzon deialdiaren baitan banatu ziren 2014ko diru laguntzak. Diru funts hori Gipuzkoako Foru Aldunditik dator oso-osorik, eta horri esker, enpresa horiek ia 1,5 milioi euroko inbertsioa egingo dutela aurreikusi dute. Banatutako laguntzak enpresak egindako inbertsioak laguntzera zuzendu dira», azaldu dute Debegesaren arduradunek.
Enpresa horien sorrerarekin, gainera, Debabarreneko eskualdean «hazkunde potentzial handia» duten 32 lanpostu sortu direla nabarmendu du Debegesak.
