Han eta hemen, azokak izango dira aukeran santotomasetan
Euskal Herriko jaietako egutegian garrantzia handia dute Santo Tomas jaiek, eta aurtengoa ez da salbuespena izango. Abenduaren 21ean du Santo Tomas egunak bere tokia, eta Bilbon, Donostian, Arrasaten edota Azpeitian oso ezaguna bada ere, Lea-Artibai et...
Euskal Herriko jaietako egutegian garrantzia handia dute Santo Tomas jaiek, eta aurtengoa ez da salbuespena izango. Abenduaren 21ean du Santo Tomas egunak bere tokia, eta Bilbon, Donostian, Arrasaten edota Azpeitian oso ezaguna bada ere, Lea-Artibai eta Mutrikuko txokoetan ere izaten da zeregaz gozatu. Bestelako ekintzak ere egiten diren arren, Santo Tomas egunean azokak izaten dira protagonista.
Lekeition, Ondarroan, Mutrikun eta Ziortza-Bolibarren ospatuko dute, hain zuzen ere, San Tomas Eguna, eta herri horietan guztietan izango da azokaren bat edo beste.
Lekeition, esaterako, «inoiz baino postu gehiago» izango dira azokan; guztira, 41. Gainera, «aspaldiko azoka herrikoiena» ospatuko dutela jakinarazi du Lekeitioko Udalak. Hala, jan-edana eskainiko duten txosnak plazako txoko ezberdinetan areagotu egingo direla azaldu du. Bertako giroa ere berezia izango da, Txikirri Txikirri taldeak plaza eta herriko kaleak girotuko baititu. Halaber, azokaz gain, eskualdeko etxe-abereen erakusketaz gozatzeko aukera ere izango du bertaratzen denak.
Ondarroan, taloak eta edariak banatzen dituen txosna eta haurrentzako hainbat tailer izango dira, besteak beste. Gainera, Gabon kantak ere abestuko dituzte txiki zein nagusiek.
Mutrikuk baserritarren azoka (16 postu) eta liburu azoka (herriko irakurzale taldearena) hartuko ditu, beste behin ere. Horrez gain, berritasun legez eta herritarren eskariei jaramon eginez, artisauen azoka ere egingo dute. Herriko lau ekoizlek jarriko dute postua, eta beste hiru egongo dira beraiekin batera. Balea elkarteak, gainera, atunaren enpanadillak jarriko ditu herritarren eskura. Oro har, egun «herrikoia» izango dela azaldu du Mutrikuko Udalak.
Ziortza-Bolibarren, hiru egunetako egitaraua prestatu dute santotomasetarako. Santo Tomas bezperan eta egunean bertan izango dira hainbat ekintza, baina jai horiei domeka honetan emango diote hasiera. Hala, besteak beste, pilota partiduak, bazkari eta afariak, kalejirak, erromeria, talo jana eta umeen jaia egongo dira.
Lekeition, Ondarroan, Mutrikun eta Ziortza-Bolibarren ospatuko dute, hain zuzen ere, San Tomas Eguna, eta herri horietan guztietan izango da azokaren bat edo beste.
Lekeition, esaterako, «inoiz baino postu gehiago» izango dira azokan; guztira, 41. Gainera, «aspaldiko azoka herrikoiena» ospatuko dutela jakinarazi du Lekeitioko Udalak. Hala, jan-edana eskainiko duten txosnak plazako txoko ezberdinetan areagotu egingo direla azaldu du. Bertako giroa ere berezia izango da, Txikirri Txikirri taldeak plaza eta herriko kaleak girotuko baititu. Halaber, azokaz gain, eskualdeko etxe-abereen erakusketaz gozatzeko aukera ere izango du bertaratzen denak.
Ondarroan, taloak eta edariak banatzen dituen txosna eta haurrentzako hainbat tailer izango dira, besteak beste. Gainera, Gabon kantak ere abestuko dituzte txiki zein nagusiek.
Mutrikuk baserritarren azoka (16 postu) eta liburu azoka (herriko irakurzale taldearena) hartuko ditu, beste behin ere. Horrez gain, berritasun legez eta herritarren eskariei jaramon eginez, artisauen azoka ere egingo dute. Herriko lau ekoizlek jarriko dute postua, eta beste hiru egongo dira beraiekin batera. Balea elkarteak, gainera, atunaren enpanadillak jarriko ditu herritarren eskura. Oro har, egun «herrikoia» izango dela azaldu du Mutrikuko Udalak.
Ziortza-Bolibarren, hiru egunetako egitaraua prestatu dute santotomasetarako. Santo Tomas bezperan eta egunean bertan izango dira hainbat ekintza, baina jai horiei domeka honetan emango diote hasiera. Hala, besteak beste, pilota partiduak, bazkari eta afariak, kalejirak, erromeria, talo jana eta umeen jaia egongo dira.
