Urbietako pasabideak legea betetzen duela dio epaileak
Elbarriak gizarteatzeko elkarteak, Asinsoc-ek, jarritako salaketa artxibatu du Gernika-Lumoko epaitegiak. Elkarte horren arabera, Gernika-Lumoko Udalak ez du legea bete Urbietarainoko pasabidea eraikitzerako orduan. Epaileak, aldiz, udalak obra hori le...
Elbarriak gizarteatzeko elkarteak, Asinsoc-ek, jarritako salaketa artxibatu du Gernika-Lumoko epaitegiak. Elkarte horren arabera, Gernika-Lumoko Udalak ez du legea bete Urbietarainoko pasabidea eraikitzerako orduan. Epaileak, aldiz, udalak obra hori legeari jarraituta egin duela ebatzi du, eta salaketa artxibatu du.
Ezkiagatik Urbietaraino joateko pasabide berria inauguratu zuen Gernika-Lumoko Udalak urriaren 25ean. Asinsoc elkarteak, baina, trenbide gainetik doan zubiaren proiektu hura geratzeko eskatu zuen urri hasieran, irisgarritasun legea betetzen ez duela argudiatuta; eta urriaren 1ean salaketa ipini zuen elkarteak Gernika-Lumoko Instrukzio Epaitegian.
Irisgarritasuna bermatuta
Elkarteko idazkari nagusi Patxi Quirogak esan zuenez, «gure elkartea ez dago Urbietako kirol gunera heltzeko pasabidea eraikitzearen kontra; eraiki duten moduaren kontra baizik, eskailera eta guzti». Elbarrien kolektiboa diskriminatzen duen azpiegitura berri bat dela esan zuen: «Ezingo dugulako gainerako herritarrek erabil dezaketen baldintza beretan erabili».
Udalaren arabera, berriz, pasagune berria gaur egungo loturaren gehigarria da, eta azaldu du azken hori erabiltzaile denentzako dela irisgarria: «Instalazio publiko horietara iristea erabat bermatuta dago, eta edozein erabiltzailerentzat da egokia».
Udalak berak epaitegian aurkeztutako dokumentazioa aztertu ostean, pasabidea indarrean dagoen legedia beteta eraiki dutela ebatzi du epaileak.
Ezkiagatik Urbietaraino joateko pasabide berria inauguratu zuen Gernika-Lumoko Udalak urriaren 25ean. Asinsoc elkarteak, baina, trenbide gainetik doan zubiaren proiektu hura geratzeko eskatu zuen urri hasieran, irisgarritasun legea betetzen ez duela argudiatuta; eta urriaren 1ean salaketa ipini zuen elkarteak Gernika-Lumoko Instrukzio Epaitegian.
Irisgarritasuna bermatuta
Elkarteko idazkari nagusi Patxi Quirogak esan zuenez, «gure elkartea ez dago Urbietako kirol gunera heltzeko pasabidea eraikitzearen kontra; eraiki duten moduaren kontra baizik, eskailera eta guzti». Elbarrien kolektiboa diskriminatzen duen azpiegitura berri bat dela esan zuen: «Ezingo dugulako gainerako herritarrek erabil dezaketen baldintza beretan erabili».
Udalaren arabera, berriz, pasagune berria gaur egungo loturaren gehigarria da, eta azaldu du azken hori erabiltzaile denentzako dela irisgarria: «Instalazio publiko horietara iristea erabat bermatuta dago, eta edozein erabiltzailerentzat da egokia».
Udalak berak epaitegian aurkeztutako dokumentazioa aztertu ostean, pasabidea indarrean dagoen legedia beteta eraiki dutela ebatzi du epaileak.
