Malosten jokatutako lehen partida ere irabazi du Gernika Bizkaiak
http://www.youtube.com/watch?v=PMOy-tduYW8&feature=youtu.be
69-66 hartu zuen menpean Zamorako (Espainia) Zamarat taldea. Lehia estua izan zuten bi taldeek, eta markagailuan berdinduta joan ziren zenbait alditan. Azkenean, baina, Malosteko zaleen aurreko lehenengo norgehiagoka etxeko neskek irabazi zuten. Gainera, lehenengo bi jardunaldietan lortutako bi garaipenei esker, Gernika Bizkaia sailkapeneko bigarrena da, Ferrolgo taldearen atzetik.
Hasierako minutuetan Zamorako taldeak aurre hartu zuen markagailuan, batik bat, Pirsic-en, Mieloszynska-ren, eta Van Den Adel-en hirukoei esker. Zortzigarren minuturako 10-17 zihoazen kanpokoak aurretik, eta 11-20ko emaitzarekin amaitu zuten lehen laurdena. Baina, gernikarrak ez zeuden atzean geratzeko prest. Defentsa sendotuz, presionatuz, eta intentsitatea handituz, beste behin aurkari sendoa dela erakutsi zuten. Hala, markagailua parekatzen joan zen, Diez-ek Gernika Bizkaiaren lehen hirukoa sartu zuen, eta kanpoaldeko saskiratzeetan ere asmatzen jakin zuten. 31-30 heldu ziren atsedenaldira.
Lehia bizia
Geldialdiaren ostean, talde biak partida irabaztera irten ziren. Biek ala biek joko bizia erakutsi zuten. Huts egiteak ere izan zituzten, eta, behin baino gehiagotan zorte txarra ere bai. Baina, etxekoek gauzak argi zituzten; defentsa sendoagaz, eta jokoa orekatzeko lanean fin aritu ziren. Aurkariariari ez zioten beren lana egiten utzi, eta horri esker Zamarat-eko jokalariek ez zuten jaurtiketa eroso bat egiteko lekurik topatzen. Gainera, zaleen animo oihu eta txalo zaparradek aurkariari ez zieten bat ere laguntzen.
Emozioz beteriko lehia izan zuten partidako bigarren partean, 45-41 amaitu zuten hirugarren laurdena. Eta azken laurdenean oraindik ez zegoen ezer erabakita. Norgehiagoka amaitzeko zazpi bat minutu falta zirela, 48-53 zihoazen aurretik bisitariak. Baina, etxekoek ondo erantzuten jakin zuten, eta 58-53 ipini ziren aurretik. Amaitzeko bi minutu falta zirela, 58-57 ipini ziren, eta jokalarietan ez ezik, Malosten batutako ikusleengan ere igartzen zen urduritasuna. Azken segunduetan, Mosby-k, Izaskunek eta Pop-ek lortu zituzten garaipenaren puntuak.
Geldialdiaren ostean, talde biak partida irabaztera irten ziren. Biek ala biek joko bizia erakutsi zuten. Huts egiteak ere izan zituzten, eta, behin baino gehiagotan zorte txarra ere bai. Baina, etxekoek gauzak argi zituzten; defentsa sendoagaz, eta jokoa orekatzeko lanean fin aritu ziren. Aurkariariari ez zioten beren lana egiten utzi, eta horri esker Zamarat-eko jokalariek ez zuten jaurtiketa eroso bat egiteko lekurik topatzen. Gainera, zaleen animo oihu eta txalo zaparradek aurkariari ez zieten bat ere laguntzen.
Emozioz beteriko lehia izan zuten partidako bigarren partean, 45-41 amaitu zuten hirugarren laurdena. Eta azken laurdenean oraindik ez zegoen ezer erabakita. Norgehiagoka amaitzeko zazpi bat minutu falta zirela, 48-53 zihoazen aurretik bisitariak. Baina, etxekoek ondo erantzuten jakin zuten, eta 58-53 ipini ziren aurretik. Amaitzeko bi minutu falta zirela, 58-57 ipini ziren, eta jokalarietan ez ezik, Malosten batutako ikusleengan ere igartzen zen urduritasuna. Azken segunduetan, Mosby-k, Izaskunek eta Pop-ek lortu zituzten garaipenaren puntuak. 
