2.000 kilo material batu dituzte elkartasun jaialdian
https://www.youtube.com/watch?v=3lIXxdXvP9A
Hainbat izan ziren atzo Gernika-Lumon egin zuten elkartasun jaialdiagaz bat egin zutenak. 11:30ean eman zioten hasiera egunari; eta han egon ziren, besteak beste, ETBko aurkezle Afrika Baeta, Movistarreko txirrindulari Beñat Intxausti edota Dakarreko pilotu Txomin Arana, euren babesa adierazten. Herriko hiru tokitan jarritako edukiontzietan, guztira, 2.000 kilo jaki eta eskolarako materiala batu zituzten. Busturialdeko elikagaien bankuaren esku utzi dute materiala. Hala ere, lagundu gura duenak bihar arte izango du aukera, jakiak edota materiala kultur etxera eramanez.
Gernika-Lumoko hamazazpi klub eta enpresak babestuta, eta Gernika-Lumoko Udalaren laguntzarekin, egun solidarioa izan da domekakoa. Hain zuzen, beharra dutenei laguntzeko aukera izan dute herritarrek, ekitaldietan parte hartuz. Futbito eta errugbi partidak, ginkana, skate eskola… Hainbat izan ziren ume, gazte zein nagusientzako izan ziren aukerak.
Gernika-Lumoko hamazazpi klub eta enpresak babestuta, eta Gernika-Lumoko Udalaren laguntzarekin, egun solidarioa izan da domekakoa. Hain zuzen, beharra dutenei laguntzeko aukera izan dute herritarrek, ekitaldietan parte hartuz. Futbito eta errugbi partidak, ginkana, skate eskola… Hainbat izan ziren ume, gazte zein nagusientzako izan ziren aukerak.
-
- Jaialdi solidarioa
