Aurten ere aldundiaren udaleku programan sartu da Ajangizko Lurraska Ingurugiro Zentroa

Busturialdeko Hitza

Busturialdea

2014/03/12

Umeak Lurraskan

Bizkaiko Foru Aldundiak astelehenean zabaldu zuen 2014ko udalekuetan izena emateko epea, eta hilaren 21era arte egongo da horretarako aukera. Ostean, apirilaren 15ean egingo du diputazioak plazak adjudikatzeko zozketa. Azken urteetan legez, Ajangizko Lurraska Ingurugiro Zentroa da eskaintzen duen aukeretako bat. Hain zuzen, hamar eguneko txanda bat egongo da uztailean, 9 urtetik 11 urtera artekoei zuzenduta; eta beste horrenbesteko bat hil berean, baina 12 eta 13 urtekoei zuzenduta.

Jolas eta heziketa izaera du programak, eta 7 eta 13 urte bitarteko neska-mutikoei zuzendutako dago. Egonaldiak zazpi edo hamar egunekoak izan daitezke; kuota 118 euro da zazpi eguneko egonaldietarako, eta 172 euro hamar eguneko egonaldietarako. Lurraskaz gain, beste hamahiru instalazio daude programan sartuta. Denetara, zazpi dira Bizkaikoak, hiru Arabakoak eta 4 Gipuzkoakoak. Izena emateko edo argibide gehiagorako leku hauetara jo daiteke: Rekalde Aretora (Rekalde zumarkalea, 30. Bilbo) Erregistroa eta Herritarrenganako Laguntza Bideratzeko Atalera (Diputazio kalea, 7-beheko solairua. Bilbo – Foru Liburutegiaren kristalezko eraikina), Bizkaiko Lurralde Historikoko udal eta eskualdeko bulegoetan edo www.gaztebizz.com/udalekuak webgunera. Laguntzarako telefonoak, aldiz, 902-540 299 eta 946-083 360 dira.

Eskualdean bertan eman daiteke izena: Bermeoko Gizarte eta Kultura Etxean (Irakaskintza 14-16/94-617 91 58) edo Gernika-Lumoko Kultur Etxean (Foru plaza, 2/91-627 02 15).

Dokumentuak: