Astra bete du Ibilaldiaren abestiaren aurkezpenak
http://www.youtube.com/watch?v=nN8V6C8CZUQ&feature=share&list=UUBkCYfe62EL_1gPz5KYhyHg&index=1
Eguenean Bilbon aurkeztu ondoren, bariku iluntzean ezagutarazi zuten Gernika-Lumon 2014ko Ibilaldiaren abestia. Jon Urriolabeitia arratzuarrak sortutako kantak aurtengo leloaren oinarriak batzen dituela azaldu zuten: “parte hartzea eta dibertsitatea”. Abesti “alaia eta atsegina” da Urriolabeitiarena. “Abesti borobila da; mezu zabala duena, eta gazteentzako nahiz zaharrentzako aproposa”. Aurkezpenak txiki utzi zuen Astra, asko izan baitziren kantaren berri eduki gura izan zutenak.
Rocka, reggaea edota ska musika nahastuz, Ibilaldiaren leloarekin eta azken helburuarekin bat egiten due kantak. Seber Altube Ikastolako ikasle ohi Galder Urzaa da letraren egilea, eta Lorentzo Recordsen egin dute azken grabaketa, Aitor Arino teknikariaren laguntzarekin. Gorka Leon eta Jon Urriolabeitia izan dira produkzioaz arduratu direnak, eta Seber Altube ikastolako zenbait ikaslek euren ekarpena egin dute, ahotsa jarriz. Maddi Gerrikaetxebarria, Liloye Richard, Naia Ellis, Olatz Erkoreka, Nerea Ordeñana eta Naiara Sanchez aritu izan dira zeregin horretan.
Laster aurkeztuko dute bideoklipa, baina making off-a gizarteratu dute dagoeneko:
Dokumentua:
