'Kapsulak' haurrentzako antzerki musikala dakar Markeliñek Gernika-Lumora
https://www.youtube.com/watch?v=dGXs-3Vn9aw
Samfaina de Colors konpainia katalanarekin batera ekoiztu du Markeliñek umeentzak ikuskizuna. Alde batetik, musika eta kontzertua dakartza Kapsulak, eta, bestetik, antzerkia. Abesti bakoitzaren eta ikuskizun osoaren gaia denborak aurrera nola egiten duen da, baina haur baten ikuspegitik.
Erlojuari tranpak egiten dizkion pertsonaia da protagonista. “Kapsulatxo txikitxoak gordetzen ditu, gogoratu nahi dituen eguneko uneekin. Beraz, egunaren hasierari, ikastetxerako bideari, jolastorduari, irteera bati edo eskola orduetatik kanpoko klaseek eragiten duten hiperaktibitateari buruz hitz egiten duten abestietan dago gure istorioa”, azaldu du konpainiak.
Domekan egongo da kapsulak ikusteko aukera, 17:00etan, Lizeo Antzokian. Sarrerak 4 euro balioko du (bazkideek 3 euro).
