Emakume bat atxilotu dute, Lurgorri auzoan zebait lapurreta egin izana leporatuta

Busturialdeko Hitza

Busturialdea

2013/12/16

Lurgorri auzoa

Bariku goizean atzeman zuten 40 urteko andrazkoa. Ertzaintzak zehaztu duenez, Gernika-Lumon bertan “gutxienez sei lapurreta” leporatzen dizkiote. Horietako gehienak abenduko lehen asteburuan jazo zirela azaldu du Segurtasun Sailak. Aroztegi batean izan zen lehenengoa, eta, atea indarrez zabaldu ostean, hainbat erraminta ostu zituzten. Ondoren, txalet batean eta baserri batean egin zuten lapurreta, bietara leihoetatik sartu ondoren. Bestetik, zenbat portaletan plafoiak eta fokuak ostu zituzten. Ikerketa abiarazita, ustezko delitugilea identifikatu zuen Ertzaintzak, eta, ondorioz, indarra erabilita lapurtu izana leporatuta atxilotu zuen emakumezkoa. Haren etxebizitzan egindako miaketan aurkitutako objektuen bidez, aipatutako lapurretekin eta Bizkaia kalean egindako beste bategaz lotu du emakumea.