Ordu aldaketa dela eta, domeka goizaldeko zerbitzua indartuko du Euskotrenek

Busturialdeko Hitza

Busturialdea

2013/10/25

Trenak, Gernika-Lumon

Neguko ordutegia jarriko da indarrean domeka goizaldean, eta 03:00etan ordubete atzeratu beharko dira ordulariak. Hori dela eta, zenbait lineatan gaueko zerbitzua indartuko duela jakinarazi du Euskotrenek, besteak beste, Bilbo-Bermeo linean. Zornotza-Bermeo:

Irteerak Zornotzatik: 0:19an, 02:19an, 02:19an (ordu ofizial berria), 04:19an eta 06:19an.
Irteerak Gernika-Lumotik: Bermeora joateko zirkulazio berezi bat egongo da eta 23:17an irtengo da. Era berean, 02:41ean tren bat Zornotzarantz irtengo da.
Irteerak Bermeotik: 23:39an, 01:18an, 03:18an (ordu ofizial berria), 05:18an eta 07:23an (Gernika-Lumoraino).

Zornotza-Bermeo linea. Ordutegia (PDFa)

Bestalde, urriko azken astelehenaren harira, zerbitzu berezia eskainiko du Euskotrenek datorren astelehenean, urriaren 28an. Bilbo-Bermeo noranzkoa: Bilbo-Bermeo arteko trenak 30 minutuz behin ibiliko dira ia egun osoan. Bilbo-Amorebieta-Gernika noranzkoa: Bilbo-Gernika eta Amorebieta-Gernika arteko zirkulazioek 15 minutako maiztasuna izango dute jenderik gehieneko momentuetan. Halaber, egun horretan trenek ez dute Lurgorri eta Institutua geralekuetan geldialdirik egingo. Informazio gehiagorako, 902-543 210 telefono zenbakira dei daiteke.